Bash bet>>Tenterbiye>>süretlik tenterbiye xewerliri

ڦshirelijan özining ipadisi arqiliq shinjang komandisigha yardem bermekte

Tehrir:Méhrigül     Menbesi:Nur tori     Yollan'ghan waqit: 2019-03-07

aldinqi aylanma birleshme musabiqide guangju komandisi méhman meydanda 97:117 netijide shénjén komandisini meghlup qildi. Pesildin kéyinki musabiqige kirish üchün halqiliq bir meydan ghelibini qolgha keltürüsh bilen birge yene shinjang komandisining birleshme ret tertipte shénjén komandisi bilen bolghan perqining kichiklishige yardem qildi.

42-aylanma musabiqe axirlashqandin kéyin, shinjang komandisi 29 meydan ghelibe qilip, 13 meydan meghlup bolushtek netije bilen birleshme ret tertipte 4-orungha tizilghan bolup, 3-orundiki shénjén komandisidin peqet 1 meydan perq qaldi. Yene kélip shinjang komandisi shénjén komandisi bilen bolghan ikki meydan musabiqide toluq ghelibe qilghan bolghachqa, eger shinjang komandisi axirida shénjén komandisi bilen netije bilen tengliship qalsimu yenila ret tertipte aldigha tizilidu. Shunga hazir shinjang komandisining daimliq musabiqe axirida ret tertipte 3-orungha tizilip pesildin kéyinki musabiqige qedem qoyidu.

hazir guangju komandisining yadrosi bolghan shirelijan ilgiri uzun yil shinjang komandisida top oynighan bolghachqa, özining shinjang komandisigha bolghan méhrining chongqurluqini ipadilep, shinjang komandisigha yardem qiliwatqanliqini bildürdi. Shénjén komandisini meghlup qilghandin kéyin shirelijan özining ijtimaiy alaqe torida ikki parche süret yollighan, shundaqla: "hey,,,,,men silerge peqet mushunchilikla yardem qilalaydighan boldum" dégen. Bu ikki parche süretning biri shir, yene biri yolwas bolup, shir guangju komandisi(广州龙狮篮球俱乐部)gha, yolwas bolsa shinjang komandisi (新疆广汇飞虎篮球俱乐部)gha wekillik qilidu.

lékin bu meydan musabiqide shirelijanning ipadisi anche qaltis bolmighanliqtin, bir qisim tordashlar shirelijanning bu mezmunigha inkas qaldurup: "eger bu mezmunning menasi shinjang komandisigha yardem bergenlik bolsa, bu meydan ghelibe sanga mensup emes, sen körenglep ketting" dep yazghan, shirelijan buninggha inkas qayturup: "qarisam sen heqiqiy shinjang komandisi mestanisi emes ikensen, méning qolum yarilanghan ehwalda pesildin kéyinki musabiqe üchün küresh qiliwatimen, méning meydandiki rolumning qandaq ikenlikini chüshinishingning hajiti yoq" dédi.
lékin nurghunlighan tordashlar yenila shirelijanni qollap: "sen heqiqiy shir, shinjang komandisini héchkin sendek söymeydu" dédi.

Kéyinkisi
体育图片新闻