Bash bet>>Tenterbiye>>süretlik tenterbiye xewerliri

Yuwéntus bu yil yazda 10 neper topchisini qoldin chiqirishi mumkin

Tehrir:Méhrigül     Menbesi:Junggo uyghurche radiyo tori     Yollan'ghan waqit: 2019-06-18

sarri yuwéntusqa bash trénér bolghandin kéyin, yuwéntus pütün nezirini yötkilish bazirigha qaratmaqta, shundaqla kimlerning komandidin ayrilishimu mestaniler eng qiziqidighan mesile bolup qaldi. Italiye "asman tenterbiyesi"ning xewirige asaslanghanda, yuwéntus bu yil yazda 10 topchini qoldin chiqirishi mumkin bolup, buning ichide kansélo, manzukich, dibala, doglas kosta qatarliq topchilarmu bar.
kanséloning komandidin ayrilish mumkinchiliqi chong, u sarrining pilanida yoq bolup, manchéstér shehirimu uni qoshuwélishni ümid qilidu. Igilinishiche, manzukichmu sétilsa bolmaydighan topchilar tizimlikide emes iken, yuwéntus manzukichqa muwapiq baha qoyulsila uni qoyup béridiken.

uningdin bashqa, dibala bilen doglas kostamu muwapiq baha qoyulsila komandidin ayrilidighan bolup, lékin yuwéntus ularni qoldin chiqirishqa aldirimaydiken.

xewerde körsitilishiche, qédira bilen matuydidin bireylen yuwéntustin ayrilidiken, ularning téxnika alahidiliki sarrining taktikisigha mas kelmeydighan bolup, shunga ikkeylenni tengla élip qélishning hajiti yoq. Uningdin bashqa, kasérésning toxtami axirliship komandidin ayrildi, sarri toxtami kéler yili axirlishidighan kuadradoni sétishqimu qarshi emes. Shuning bilen bir waqitta, allégri yuwéntusqa bash trénér bolghandin kéyin AC milandin élip kelgen désigliomu komandidin ayrilishi mumkin bolup, yuwéntus muwapiq baha qoyulsila uni qoldin chiqiridiken.

qapqichi ornida, périn sarri réynadek özi ishinidighan qapqichini qoshuwalalmighandila komandida qalidighan bolup, bolmisa périn yawropa longqisigha qatnishish üchün bolsimu yuwéntustin ayrilidiken.

Kéyinkisi
体育图片新闻