Bash bet>>Tenterbiye>>süretlik tenterbiye xewerliri

Méni hörmetlimisengmu lékin junggoni choqum hörmetlishing kérek!

Tehrir:Méhrigül     Menbesi:Junggo uyghurche radiyo tori     Yollan'ghan waqit: 2019-07-24

7-ayning 21-küni, koréyening kwangjuda ötküzülgen dunya su üzüsh lewhe musabiqisining 400 métirgha erkin üzüsh hel qilghuch musabiqiside, élimiz mahir sün yang üch minut 42 sékunt 44 deqiqilik netije bilen bu nöwetlik musabiqidiki tunji altun médalgha érishti. Bu, élimiz komandisining bu nöwetlik musabiqidiki tunji altun médali bolupla qalmastin, yene sün yangning dunya su üzüsh lewhe musabiqisi erler 400 métirgha erkin üzüsh türide qolgha keltürgen uda 4-chémpiyonluqi hésablinidu.

awstraliyelik mahir xorton sün yanggha yéngilip kümüsh médalgha érishkendin kéyin, mukapat tarqitish sehniside mukapat qobul qilishni ret qilipla qalmay, yene téxi sün yang bilen xatire süretke chüshüshnimu ret qildi. Xortonning bu ishigha nisbeten sün yang musabiqidin kéyin mundaq jawab qayturdi: "u mushu xil usul arqiliq méning musabiqide iqtidarimni jari qildurushimgha tesir körsetmekchi boldi. Biraq men qilishqa tégishlik ishimni yaxshi qiliwerdim. Manga qandaq pikri bolsa meyli, biraq mukapat tarqitish tolimu muhim ish, her qanche razi bolmisimu, mukapat tarqitish sehnisige chiqqan shu demde choqum junggoni hörmet qilishi kérek! méni nurghun ademning yaxshi körmeydighanliqini bilimen, biraq men érishken altun médallar ulargha qayturghan eng yaxshi zerbe".

400 métirgha erkin üzüshte chémpiyon bolghandin kéyin, sün yang kölchekte turup töt barmiqini körsetti. Musabiqidin kéyin u mundaq dédi: "men erkin üzüsh tarixidiki uda töt qétim chémpiyon bolushni arzu qilattim, emeliyette ikki kündin buyan, bu ishlargha anche zen sélipmu ketmidim hem bek köp oylighummu yoq. Bügün kechte netijining qandaq bolushidin qetiynezer, özümdin pexirlinimen..." sözlep mushu yerge kelgende, sün yang gépining axirini dawamlashturalmidi, keynige örülüp bir hazadin kéyin andin yene örüldi. Keynidin özining bu netijige érishishningmu asangha toxtimighanliqini éytti.

"riqabetchilirim toxtimastin almiship turdi, hazir keng kölemlik mahir yéngilinish boluwatidu. Yéngi mahirlar köplep yétiship chiqiwatidu. Wang shün, shang kéyüenler péshqedem mahirlargha aylandi, qalghanliri 2000-yillarda tughulghan mahirlar. Méningche péshqedem mahirlarning bügüngiche gheyret qilishining özi muweppeqiyet qazanghanliq."

sün yang yene mundaq dédi: "bizdek péshqedem mahirlargha nisbeten érishishige tégishlik netijilerge ériship bolduq, chiqqudekla mukapat tarqitish sehnilirigimu chiqip bolduq, shunga biz hazir mushundaq rohiy haletni, chidamchanliqni yash tenheriketchilerge yetküzüp bérishimiz kérek. Men her bir ademning pütün küchi bilen tirishishini ümid qilimen. Bu nöwetlik lewhe talishish musabiqisining axirqi netijisi qandaq bolushidin qetiynezer, oylighan netije yaritilghan bolsun bolmisun, bizning axirqi muddiayimiz yenila tokyo olimpik tenheriket musabiqisige teyyarliq qilish!

 

Aldinqisi
Kéyinkisi
体育图片新闻