Bash bet>>Tenterbiye>>süretlik tenterbiye xewerliri

Shinjangliq üch putbolchi élimiz putbol komandisi tizimlikide

Tehrir:Méhrigül     Menbesi:Junggo uyghurche radiyo tori     Yollan'ghan waqit: 2019-08-06

yene bir aydin kéyin, 2022-yilliq qatar dunya longqisi putbol musabiqisi asiya rayoni tallash musabiqisining 2-basquchluq 40 küchlük komanda musabiqisi we 2023-yilliq asiya longqisi putbol musabiqisining 1-basquchluq tallash musabiqisi asiya teweside omumyüzlük bashlinidu. Xelqara putbolchilar birleshmisining alaqidar belgilimisige asasen, bügün (8-ayning 5-küni) musabiqige qatnishidighan her qaysi komandilarning asiya putbolchilar birleshmisige musabiqige qatnishidighan mahir tizimlikini yollaydighan axirqi möhliti. Igilinishiche, junggo putbolchilar birleshmisining alaqidar tarmaqliri xelqara putbolchilar birleshmisi békitken axiri möhlet künide resmiy halda asiya putbolchilar birleshmisige mahir tizimlikini yollighan, tizimliktiki mahir sani 60 din ashqan. Hemme köz tikiwatqan élimiz tewelikige ötken mahirlardin peqet li ké we ériksonningla ismi bar. Shinjangliq putbol mestanilirini xush qilidighini shu boldiki, tyenjin "teyda" komandisidiki mirexmetjandin bashqa, jyangsu "suning" komandisidiki abduxemit, chungching "siwéy" komandisidiki dilmurat qatarliqlarmu tizimliktin orun alghan.

mirexmetjan muzepper



dilmurat mewlanyaz


abduxemit abdughéni

emeliyette, asiya putbolchilar birleshmisi 9-ayning 5-küni bashlinidighan dunya longqisi putbol musabiqisi asiya rayoni tallash musabiqisi 40 küchlük komanda musabiqisige mesul bolsimu, lékin xelqara putbolchilar birleshmisi békitken belgilimini ijra qilidu. Xelqara putbolchilar birleshmisining alaqidar belgilimiside éniq halda: "tallash musabiqisi bashlinishtin 30 kündin az bolmighan waqitta musabiqige qatnishidighan mahir tizimliki yollinishi kérek" dep békitilgen. Shunglashqa, junggo putbolchilar birleshmisining alaqidar tarmaqliri xelqara putbolchilar birleshmisining munasiwetlik telipige asasen, békitilgen axirqi möhlettin burun tizimlikni yollighan.

dunya longqisi putbol musabiqisi tallash musabiqisi her töt yilda bir ötküzülidu, her nöwetlik tallash musabiqisi qaidisidimu az-tola özgirish bolidu. 2018-yilliq rusiye dunya longqisi putbol musabiqisi tallash musabiqisi mezgilide, oxshashla 30 kün burun tizimlik yollash telep qilinghan bolsimu, lékin mahir sani 50 tin töwen bolmasliqi belgilengen. Töt yildin kéyinki qatar dunya longqisi putbol musabiqisining tallash musabiqiside mahir sanigha chek qoyush emeldin qaldurulghan. 10 kishilik, 20 kishilik, 50 kishilik hetta uningdinmu köp mahir yollansimu bolidu. Emma tizimlik yollanghan kéyin, musabiqe resmiy bashlinishqa bir kün qalghuche, xalighanda mahir qoshqili, azaytqili bolidu. Élimiz putbol komandisi 9-ayning 10-küni méhman komanda süpitide maldiwé komandisi bilen musabiqilishidu. Démek, 9-ayning 9-küni musabiqe bashlinishtin 24 saet burun, mahir qoshqili hem azaytqili bolidu. Musabiqe bashlinishtin 85 minut burun, herqaysi komandilar 23 kishilik tizimlikni musabiqe komitétigha yollaydu. Belgilimige asasen, dunya longqisi putbol musabiqisi tallash musabiqisige qatnishidighan 23 mahir del bir ay burun yollanghan tizimliktiki mahirlar ichidin tallinishi kérek.

qaraydighan bolsaq, guangju "xéngda" putbol komandisidin 10 mahir tizimliktin orun alghan, tizimlikte dangliq putbolchi jéng jimu bar bolup, élimiz putbol komandisi tarixidiki tallash musabiqisige qatnashqan yéshi eng chong mahir bolup qélishi mumkin. 2000-yillarda tughulghan ju chéngjyému tizimliktin orun alghan. Mahirlarning yash perqi 19 yash hetta 20 yashqimu yéqinlashqan bolup, élimiz putbol komandisining dunya longqisi putbol musabiqisi tallash musabiqisige qatnishish tarixidiki "eng" ni yaratqan.

yene qaraydighan bolsaq, béyjing "jungxé goen" putbol komandisidin ongha yéqin mahir tizimliktin orun alghan bolup, guangju "xéngda" putbol komandisining keynigila tizilghan, shangxey "shyanggang" putbol komandisi, jyangsu "suning" putbol komandisi 3-, 4-orunda turghan. Alahide eskertishke tégishliki shuki, tizimlikke kirgüzülgen mahirlar asasliqi junggo derijidin tashqiri putbol birleshmisidiki 16 komandining hemmisidin dégüdek tallanghan, ret tertipte arqida turuwatqan komandidinmu mahir tallanghan.

Kéyinkisi
体育图片新闻