AC مىلان بىلەن يۇۋېنتۇس داۋاملىق ئىسكونى تالاشماقچى
پۇتبول بازىرىنىڭ خەۋىرىگە ئاساسلانغاندا، AC مىلان بىلەن يۇۋېنتۇس خانلىق مادرىدنىڭ پۇتبول چولپىنى ئىسكونى قوشۇۋېلىشنى خالايدىكەن.
ھازىر ئىسكو بىلەن خانلىق مادرىدنىڭ مۇناسىۋىتى بىراقلا بۇزۇلغان بولۇپ، بۇ ئىسپانىيەلىك توپچى قىشلىق يۆتكىلىش مەزگىلىدە كوماندىدىن ئايرىلىشنى ئويلىشىۋاتىدۇ، يۇۋېنتۇس بىلەن AC مىلان يەنىلا ئىسكونى قوشۇۋېلىشنى خالايدۇ، بىراق خانلىق مادرىد ئىسكونى قولدىن چىقىرىش ئارقىلىق ئازراق يۆتكىلىش ھەققىگە ئېرىشىشنى ئۈمىد قىلىدۇ، شۇڭا خانلىق مادرىد ئىسكونىڭ ئەركىن توپچى سالاھىيىتىدە كوماندىدىن ئايرىلىشىغا قوشۇلماسلىقى مۇمكىن.
بۇ پەسىل باشلىنىپ ھازىرغىچە ئىسكو خانلىق مادرىدقا ۋاكالىتەن ھەرقايسى مۇسابىقە تۈرلىرىدە جەمئىي يەتتە قېتىم مەيدانغا چىققان بولۇپ، پەقەت بىر قېتىم ياردەمچى پاس بەرگەن.