بارسېلونا بىلەن مانچېستېر شەھىرى بېرنادو سىلۋانىڭ يۆتكىلىش ئىشىدا بىردەكلىك ھاسىل قىلدى
پورتۇگالىيەلىك مۇخبىر پېدرو ئالمېيدانىڭ خەۋىرىگە قارىغاندا، بارسېلونا بىلەن مانچېستېر شەھىرى بېرنادو سىلۋانىڭ يۆتكىلىش ئىشىدا بىردەكلىك ھاسىل قىلغان.
بارسېلونا بۇ يىل يازدا مانچېستېر شەھىرىنىڭ ئوتتۇرا مەيدان توپچىسى بېرناردو سىلۋانى قوشۇۋېلىشنى ئۈمىد قىلىدۇ، پورتۇگالىيەلىك مۇخبىر پېدرو ئالمېيدانىڭ خەۋەر قىلىشىچە، بۇ ئىككى كۇلۇب يۆتكىلىش ئىشىدا بىردەكلىككە كېلىپ بولغان.
بېرناردو سىلۋا بىلەن مانچېستېر شەھىرىنىڭ توختامى 2025-يىلى ئاخىرلىشىدۇ، تاراتقۇلارنىڭ بۇنىڭدىن بۇرۇنقى خەۋىرىگە ئاساسلانغاندا، مانچېستېر شەھىرى ئۇنىڭغا 80 مىليون ياۋرو ئەتراپىدا باھا قويغان.