Bash bet>>Medeniyet>>Bayqash
Eng qedimki tash resim
Tehrir:Abduxaliq emet     Menbesi:Junggo uyghurche radiyo tori     Yollan'ghan waqit: 2014-06-29

 

 

 

 

20 ming yillar ilgiriki tash qorallar dewrining axirqi mezgilliride kishiler tebiiy gharlarda yashaytti, ressamliq ene shu chaghlardila barliqqa kelgenidi. 1879 - yili ispaniyining shimaliy qismidiki santandérning sherqige 35 kilométir kélidighan jayda artamira ghari bayqalghan. Ghar ichide nurghun resimler bar bolup, ghardiki qiya tashlarning égiz-peslikige asasen, bugha, at, kala qatarliq haywanlarning resimi nahayiti ustiliq bilen sizilghan. Fransiyining jenubidiki montégnékning jenubigha toghra kélidighan rasik ghari 1940-yili bayqalghan. Ghardiki qiya tashlargha nurghun renglikresimler sizilghan, qiya tashlarning arisidin éqip chiqqan hak téshi parashokining kristalliri resimlerning yüzide qétip qélip xuddi süzük suwalghu sürgendek perde hasil qilghachqa, resimler intayin yaxshi saqlanghan. Resimlerning chong-kichikliki birdek emes, sani100 din ashidu. Resimlerning ichide at sizilghan resim hemmidin köp. Uningdin qalsa kala,bugha, kerkidan, qush qatarliqlar sizilghan hemde qopal sizilghan adem resimlirimu bar. Bu resimlerning köpinchisi siziqliri qopal izna resim we teswir resim bolup, qara siziq ichige élinghan dairige qizil, qara, qongur rengler arqiliq haywanlarning resimi nahayiti janliq sizilghan. Qiya tash resimlirining ichide yene uchi ötkür eswab arqiliq jijap sizilghan resimlermu xéli köp. Resimlerni ximiyilik usul arqiliq tekshürüp ölchigende, resimlerning sizilghinigha 15 ming yil bolghanliqi ispatlanghan. Fransiyining medeniyet yadikarliq orunliri bu qiya tash resimlirini saqlap qélish üchün bu gharni taqap gharning yénigha "rasik ghari körgezmixanisi" namliq ghar yasap qoyghan.

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene