Bash bet>>Medeniyet>>Bayqash
Konsiriwani firansiyelikler ijad qilghan
Tehrir:Abduxaliq emet     Menbesi:Junggo uyghurche radiyo tori     Yollan'ghan waqit: 2014-06-29

 

kishilerning yémeklikni saqlap yéyishni bashlighinigha nechche ming yil boldi, béliq yaki kala göshige oxshash bezi yémekliklerni tuz sépip yaki qurutup saqlighili bolidu. Bezi aqsöngek aililiride muz iskilata bar bolup gösh we béliqlarni saqlighan.

18-esirning 90 - yillirida napoléon ponaba qoshunliri yawropagha yürüsh qilghan. Uzun seper jeryanida yémeklikler asan buzulup qalidighan bolghachqa, herbiy qoshunda daim teminat üzülüp qélish ehwali körülgen. Shuning bilen 1795 - yili napaléon yémeklikni yéngi péti saqlash usuli bilen teminligüchilerni 12 ming frank bilen mukapatlaydighanliqini élan qildi.

parizhdiki qent-kézek sodigiri we bolka ustisi nikulay albért bu xewerni anglighandin kéyin 14 yil qayta qyta tejribe qilish arqiliq eng axirida qaynitip pishurulghan köktatqa oxshash suyuq halettiki yémeklik we malinagha oxshash ushshaq méwilerni haraq qutisigha sélip éghizini him étip qaynaq suda qizdurghanda uzun waqit saqlighili bolidighanliqini bayqighan.

fransiye quruqluq we déngiz armiyiliri bu xil usulda saqlanghan yémekliklerni yaqturup qalghan. Nikulay albért mukapatlanghan we fransiye qoralliq qisimlirini qutiliq shorpa we köktat bilen teminlesh heqqidiki chong sommiliq toxtamgha érishken. Shuningdin bashlap nikulay albért we u tetqiq qilip yasighan yémeklik qachilanghan qutilar parizhni zil - zilige keltürgen, uning yémeklik qachilanghan qutiliri dunya boyiche eng burunqi konsérwa yémekliki hésablinidu. Kéyin yohan xol we blayin donkin qatarliq ikki engliyilik eynek qutining ornigha népiz bir qewet qeley bilen qaplanghan tömür quta ishlitip qutidiki hawaning chiqip kétishidin saqlinish üchün qutining aghzini qeley bilen himlighan.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene