Bash bet>>Medeniyet>>Uyghur medeniyiti
Shinjangdiki 10 tür 3-nöwetlik junggo gheyriy maddiy medeniyet mirasliri körgezmisige qatnashturuldi
Tehrir:Osmanjan yüsüp     Menbesi:Tengritagh uyghurche tori     Yollan'ghan waqit: 2014-10-14

medeniyet ministirliqi bilen shendung ölkilik xelq hökümiti birlikte uyushturghan 3-nöwetlik junggo gheyriy maddiy medeniyet mirasliri körgezmisi 10-öktebir jinen shehiride bashlandi . Shinjang körgezme ömiki uyghur millitining el ichi chalghulirini yasash hüniri , qazaq millitining söngek neqqashliq hüniri , shibe milltining eneniwi oqyachiliq hüniri qatarliq 10 türni teshkillep , gheyriy maddiy medeniyet mirasliri we gheyriy maddiy medeniyet mirasliri hasiliy mehsulatliri körgezmisige qatnashturdi . Bu qétimliq gheyriy maddiy medeniyet mirasliri körgezmisi aldinqi nöwetlik körgezmilerge qarighanda mezmuni eng köp , türi eng mol bolghan bir qétimliq körgezme hésablinidu .

igilinishiche , 3-nöwetlik junggo gheyriy maddiy medeniyet mirasliri körgezmisi ‹‹ gheyriy maddiy medeniyet mirasliri : bizning turmush usulimiz ›› ni bash téma qilip , gheyriy maddiy medeniyet mirasliri buyumlirini körgezme qilip sétish , bir pütünlükini qoghdash netijilirini namayan qilip , gheyriy maddiy medeniyet mirasliri hasiliy mehsulatlirini échish we qoghdash téxnikisida yéngiliq yaritish , almashturush qatarliqlarni gewdilendürgen . Shinjang körgezme sariyimu bu bash témini ching tutup , türlük gheyriy maddiy medeniyet mirasliri türi we hasiliy mehsulatlirini aktip namayan qilip , ichkiri ölke we sheherler bilen tejribe almashturup , shinjangning gheyriy maddiy medeniyet miraslirini keng türde teshwiq qilghan .

bu qétimliq gheyriy maddiy medeniyet mirasliri körgezmisidiki yarqin nuqta shuki , bir türküm dölet derijilik medeniyet ékologiyesini qoghdash rayonliri barliqqa kélip , aptonom rayonimizdiki gheyriy maddiy medeniyet miraslirini qoghdash xizmetchilirining medeniyet ékologiyesini qoghdash tejribe qurulush rayoni qurush xizmitini qanat yaydurushigha yaxshi öginish pursiti yaritip berdi . Igilinishiche , aptonom rayonimizning yeken nahiyesi uyghur muqam seniti medeniyet ékologiyesini qoghdash tejribe rayoni , tashqorghan tajik medeniyet ékologiyesini qoghdash tejribe rayoni , künes qazaq medeniyet ékologiyesini qoghdash tejribe rayoni we chapchal shibe medeniyet ékologiyesini qoghdash tejribe rayonidin ibaret töt aptonom rayon derijilik medeniyet ékologiyesini qoghdash tejribe rayoni qurushni pilanlap , emeliy tejribilirini yekünlesh asasida , medeniyet ékologiyesini qoghdash rayonini ilmiy , muwapiq qurush endizisi we omumyüzlük qoghdash usuli heqqide izdinip , dölet derijilik medeniyet ékologiyesi qoghdilidighan tejribe rayonlirini qurush xizmitini aktipliq bilen ilgiri sürgen.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene