باش بەت>>ئەدەبىيات
خاپىلىق تارتقىنىڭىزدا...
مەنبەسى:جۇڭگو ئۇيغۇرچە رادىيو تورى |تەھرىر:مەھلىيا ئىبراھىم | يوللانغان ۋاقىت:2013-01-31 21:34:01

قاتتىق خاپىلىق ياكى رەنجىش روھى ساغلاملىق ۋە ئۇزۇن ئۆمۈر كۆرۈشنىڭ ئەشەددىي دۈشمىنى، شۇڭا، سىز تۇرمۇشتا قاتتىق رەنجىشتىن ساقلىنىشىڭىز كېرەك. ئەگەر خىزمەت ياكى ئائىلە ئىشلىرىدا بىرەر كۆڭۈلسىزلىككە ئۇچرىسىڭىز تۆۋەندىكىدەك چارىلەرنى قوللىنىپ كۆرسىڭىز بولىدۇ:

1. ئۆزىڭىزگە ھاي بېرىڭ. خاپىلىقنىڭ زىيىنىنى كۆپرەك ئويلاڭ ھەم «خاپا بولۇش ئۆزىنى ئۆزى جازالاش» دېگەن تەمسىلنى ئۇنتۇپ قالماڭ.

2. رەنجىش يۈز بەرگەندە، ئۆزىڭىز ياخشى كۆرىدىغان شېئىر ياكى ھېكايىلەرنى ئوقۇپ، ئۆزىڭىز ئەڭ ياخشى كۆرىدىغان مۇزىكىلارنى ئاڭلاڭ.

3. دوست-بۇرادەر ياكى  ئۇرۇق-تۇغقانلارنىڭ  ئۆيلىرىگە بېرىپ، بېشىڭىزدىن ئۆتكەن كۆڭۈللۈك ئىشلار ئۈستىدە پاراڭلىشىڭ ياكى  ئۆيدىكىلەرنىڭ ھەمراھلىقىدا كوچىغا چىقىپ ئايلىنىڭ، مەنزىرىلىك جايلارغا بېرىپ سەيلە قىلىڭ.

4. خاپا بولغان چېغىڭىزدا ھاراق ئىچىپ مەست بولۇش، نەرسىلەرنى تاشلاش، قاچا-قۇچا، ئەينەكلەرنى ئۇرۇپ چېقىشتىن ساقلىنىڭ.

5. خاپىلىق تارتقان چاغلىرىڭىزدا ھەرگىز ئۆزىڭىزنى تاشلىۋەتمەي، رەتلىك، پاكىز كىيىنىڭ. شۇنداقتا روھلۇق، غەمدىن خالىي كۆرۈنىسىز.

6. ئاچچىقىڭىز يانغاندا، نېمە  ئۈچۈن خاپا بولۇپ رەنجىگەنلىكىڭىز توغرىسىدا ئويلاپ كۆرۈڭ ۋە تەھلىل قىلىڭ. يۇقىرىقى ئۇسۇللارنى قوللىنىپ كۆرسىڭىز سىزگە ياردىمى بولۇپ قالار. 

 

ئالدىنقىسى
كېيىنكىسى
مۇناسىۋەتلىك خەۋەرلەر
يەنە قىزىق نۇقتا
يەنە ئاۋات سۈرەتلىك خەۋەرلەر
يەنە تەنتەربىيە
يەنە پەن-تېخنىكا
يەنە غەلىتە ئىشلار
يەنە كوچا پاراڭلىرى
يەنە ساغلاملىق