Mest ademdin eqil, haya we sewri-taqet kétidu. Mubada, insan shulardin ayrilip qalidighan bolsa, u ademgerchiliktin chiqip kétidu.
    Mey qachisi ichide jilwilinip turghan qoyash aldamchi qoyashtur, uning aghzinggha pétishidin éhtiyat qil.
    Eqldin azdurghan her qandaq madda, gerche u mey bolmisimu, meyning yéqin qérindashliridur.
    Mey öz ichküchilirining yoshurun sirlirini ashkarilap biridu.
    Ey mey, ulugh mertiwiler binasi we eqil sarayliri séning tüpeylingdin xarabigha aylinidu.
    Biz öz payda-ziyinimizni bilmeydighan mexluqlarmiz, gerche dunyada meydin bashqa lezzet béridighan németler intayin molghu.
    Meyxor hayat qedirini bilgen bolsidi, meyni dostlirigha emes, belki düshmenlirige ichküzgen bolatti.
    Mey dostlarni renjitish, ular bilen jangjalishish, hemsöhbetlirige zerbe bérish we yéqin ademliridin judalishishqa seweb bolidu.