bir ema iti bilen yoldin ötüwatqanda,bir aptomobil uni soqiwitiptu,ema neq meydanda ölüptu,uning itimu igisini qoghdimaqchi bolghanda , chaq astida qélip ölüptu . Ema bilen it birlikte jennetning ishiki aldigha bérishigha ,perishte ularning aldini tusup ,xijil bolup : - kechürünglar, jennette hazir peqet birla orun bar ,ikkinglarning biringlar chuqum dozaxqa kirishinglar kérek ,-deptu .
- itim nimining jennet , nimining dozax ikenlikini bilmeydu , kimning jennetke ,kimning dozaxqa kiridighanliqini men bikitsem bolamdu? - dep soraptu ema
nahayiti epsus ependim , rohlarning hemmisi barawer ,silerning musabiqilishish arqiliq kimning jennetke kiridighanliqini békitinglar ,- deptu perishte bir az oylanghandin kiyin ,- musabiqe nahayiti addiy ,yeni yügürüsh musabiqisi , mushu yerdin jennetning ishikigiche yügürisiler, kim burun bérip bolsa ,shu jennetke kiridu ,kim semimiy ,aqköngül bolsa ,shuning süriti shunche tiz bolidu .
ema bilen itning teyyarliqi pütkendin kiyin ,perishte musabiqining bashlanghanliqini jakarlaptu ,perishte könglide << Ema jennetke kirish üchün pütün küchi bilen yügüridu>> Dep oylighaniken ,kim bilsun ,ema qilchimu aldirmay , asta méngiptu . Téximu heyran qalarliqi ,itmu yügürmeptu ,u xujayinidin bir qedemmu ayrilmaptu . Perishte birdinla eslide it uzun yillardin biri shundaq adetlengeniken ,menggü xujayinining yénidin ayrilmay, uningdin birqanche qedem aldida mangidiken ,bu rezil xujayin del mushuningdin paydilanghaniken ,u peqet jennetning ishiki aldigha barghanda itni chaqirip toxtitiwalsila hemme ish pütidiken ,dep oylaptu .
- sen xujayining üchün hayatingni teqdim qilding ,hazir xujayining qarighu emes, sen uni bashlap mangmisangmu bolidu , téz yügürüp jennetke kir,- deptu perishte itqa hésdashliq qilip .
biraq ema bilen it perishtining gépini anglimighandek yenila asta méngiptu . Derweqe ,axirqi noqtigha bir qedem qalghanda, it xujayinining buyruqi bilen toxtaptu ,perishte emagha mensitmeslik neziri bilen qarap quyuptu . Bu waqitta ema külümsirgen halda perishtige mundaq deptu :<< Men axiri itimni jennetke élip keldim , uning ezeldin jennetke kirgüsi yoq idi,peqet manga egiship yürüshnila xalaytti ,shunga men uninggha qarar chiqirip bermekchi bolghan ,siz uninggha yaxshiraq qarap quyung ,beslishish arqiliq békitkinimizmu yaxshi boptiken ,men uni yene bir nechche qedem méngishqa buyrisamla ,u jennetke kireleydu.U manga shunche uzun yil hemrah boldi ,biraq mining birinchi qétim uni öz közüm bilen körüp bilen körüp béqishim ,shunga men uningdin ayrilishqa qiyalmay, asta méngip uni uzunraq körüwaldim, egr mumkin bolsa ,men menggü uninggha qarap ötüshni ümid qilimen, biraq jennetke kilip qalduq, bu yer heqiqeten u birishqa tigishlik jay, siz uninggha yaxshiraq qarap qoyung >> . Ema gipini tügitip, itni aldigha méngishqa buyruptu, it axirqi noqtigha barghanda ema dozax terepke qarap méngiptu . It buni körüp ,derhal burulup, igisining keynidin uchqandek yügürüptu. Buni körüp heyran qalghan perishte qanatlirini kirip ,uni tutuwilish üchün yügürüptu,biraq uning rohi dunyadiki eng aqköngül ,semimiy roh bolghachqa ,süriti jennettiki barliq perishtilerningkidinmu xélila téz iken.
- men bashtila xatalishiptikenmen,eslide bu ikki roh bir gewde iken emesmu , ularni ayriwetkili bolmaydiken ,- deptu perishte uhsinghan halda ,-ular jennettiki bir kishlik orungha kirishke layiq iken.
