گوۋۇيۈەن زۇڭلىسى لى چياڭ يېقىندا گوۋۇيۈەن بۇيرۇقىنى ئىمزالاپ، «ئىنتېرنېت سۇپىسى كارخانىلىرىنىڭ باجغا ئالاقىدار ئۇچۇرلىرىنى يوللاش بەلگىلىمىسى»نى ئېلان قىلدى، بۇ بەلگىلىمە ئېلان قىلىنغان كۈندىن باشلاپ يولغا قويۇلدى. «بەلگىلىمە»-ئىنتېرنېت سۇپىسى كارخانىلىرىنىڭ باج ئورگانلىرىغا سۇپا ئىچىدىكى تىجارەتچىلەر ۋە كەسىپكارلارنىڭ باجغا ئالاقىدار ئۇچۇرلىرىنى يوللىشىنى قېلىپلاشتۇرۇپ، باج مۇلازىمىتى ۋە باشقۇرۇش ئۈنۈمىنى ئۆستۈرۈپ، باج تاپشۇرغۇچىلارنىڭ قانۇنلۇق ھوقۇق-مەنپەئىتىنى قوغداپ، ئادىل، بىرلىككە كەلگەن باج مۇھىتى يارىتىپ، سۇپا ئىقتىسادىنىڭ قېلىپلىق، ساغلام تەرەققىياتىنى ئىلگىرى سۈرۈشنى مەقسەت قىلىدۇ.
«بەلگىلىمە» جەمئىي 14 ماددا بولۇپ، ئاساسلىق مەزمۇنى تۆۋەندىكىلەرنى ئۆز ئىچىگە ئالىدۇ: بىرىنچى، يوللاش مەجبۇرىيىتى، مەزمۇنى، ۋاقىت چېكى تەلىپى. ئىككىنچى، يوللاش كەچۈرۈم قىلىنغان ئەھۋاللار. ئۈچىنچى، يوللاش يۈكىنى يېنىكلىتىش تەدبىرلىرى. تۆتىنچى، باجغا ئالاقىدار ئۇچۇرلار جەھەتتىكى مەخپىيەتلىكنى ساقلاش مەجبۇرىيىتى.
تەرجىمان: ئابدۇللا موللا
سېلىشتۇرغۇچى: قۇرباننىسا جاپپار