Bash bet>>Xewer Merkizi>>Süretlik Xewerler

Kamira astidiki ébola wirusi bilen yuqumlinip qaza qilghuchilar

Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-10-04

 

yéqindin buyan, ébola wirusi yuqumi gherbiy afriqida yamrap ketti, yuqumlanghuchilar we ölgenlerning sani hélihem dawamliq ashmaqta. Amérika "dewr" heptilik zhurnili 2-öktebir bir guruppa süretlerni élan qilip, kishilerge ébola wérusigha qarshi turidighan xizmetchilerning ölgüchilerning jesitini yighish jeryanini süretlep berdi.

shu jay waqti 18-séntebir, libiriyening paytexti monrowiyede turushluq fotograf danil bércholiq bilen "nyuyork waqit géziti" ning muxbiri norimitsu onishi shu yerdiki bir jeset yighish we depne qilishqa mesul guruppigha egiship, ébola wirusi bilen yuqumlinip ölüp ketken bir ayalning öyige keldi. Bu ayalning ailisidikiler uning jesiti yénida turatti.

birchuliq "dewr" heptilik zhurniligha mundaq dédi: "men bu öyge kirgen waqtimda, ébola bimarlirigha dair heqiqiy delil ispat – ziyanlanghuchining éghizi we ediyal üstidiki qanni kördüm. Yene bir terepte norimitsu öy sirtida bu ayalning ailisidikiler bilen sözlishiwatatti. Biraq ularning éytishiche, bu ayalning ölümi ébola wirusi bilen munasiwetsiz iken".

birchuliq mundaq dédi: u küni depne guruppisidikiler jemiy yette kishining jesitini yighdi, biraq "shu yette kishining aile tawapiatliri ölgüchining ébola wirusi bilen munasiwiti yoqluqini éytip gépide ching turdi. Bu yerde, depne guruppisi bezi aililerge hetta 3 – 4 qétim baridu".

süret tartishni erkin kesip qiliwalghan bu fotografning qarishiche, shu yerlik amma ébola wirusini ret qilidiken, ularning qarishiche doxturlar bu krizisni kücheytiwetken. Bu alametler ébola yuqumining peydinpey kontrolsiz qéliwatqanliqidin dérek béridu. 2013 – yil 12 – ayda bu yoqum tarqilishqa bashlighandin buyan, gwiniye, libériye we sérralionda jemiy 6500 adem yuqumlinip, 3080 adem ölüp ketken. Birchuliq mundaq dédi: "köpinche ehwal astida, bu aililer aldini élish tedbiri qollanmaydu, shunga ébola wirusi asanla tarqilip kétidu". Uning bu gepliride körsetkini monrowiyediki nopus zich jaylashqan rayonlar we tar ul eslihelirini körsitidu.

hazirgha qeder, téximu köp adem ébola wirusi bilen yuqumlinip ölüp ketti, buninggha gep ketmeydu. Shunga birchuliq bashqilargha bu xil yoqum ehwalining éghirliqini choqum bildürüsh mejburiyitining barliqini hés qildi. U monrowiyede yene 5 – 6 kün turup, télékamérasi arqiliq kishilerge ébola wirusining shu yerdiki kishilerge ölüm kölenggisi élip kéliwatqanliqini bildürüp qoymaqchi boldi.

2014 – yil 9 – ayning 18 – küni, libiriyening paytexti monrowiyening ottura qismidiki bir mehelle, libériye qizil krést jemiyiti depne guruppisining bir ezasi ébola wirusi bilen yuqumlinip ölgen lorpu dawidning jesitini yötkimekte. Dawid bu yil 30 yash. Bu depne guruppisi libériye sehiye ministirliqi bilen toxtamlashqan bolup, mexsus ébola wirusi bilen yuqumlinip ölgenlerning jesitini yighish we kömüshke mesul.

 

Kéyinkisi
图片新闻