Bash bet>>Xewer Merkizi>>Süretlik Xewerler

Chikagoda 2500 yil burunqi qedimiy misirning tash jesetdani tunji qétim échildi

Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-12-10

 

 

tash jesetdandiki momyaning ismi minirdis, 14 yash, buningdin 2500 yil burun misirda ölüp ketken 

 Engliye "kündilik pochta géziti"ning 8-dékabirdiki xewirige qarighanda, amérika chikago fiéld tebiet tarixi muzéyida 2500 yilliq tarixqa ige qedimiy misirning tash jesetdani échilghan. Buning ichidiki bir momya oralghan rext sarghiyip, bezi yerliri chirip yirtilip ketkenliktin, momyaning put barmiqi sirtigha chiqip qalghan.

tash jesetdandiki momyaning ismi minirdis, 14 yashta bolup, qedimiy misirdiki bir kahinning oghli iken. Bu momya 20-esirning 20-yilliri bayqalghan. Nöwette kishiler peqet minirdisning put barmiqinila köreleydiken. Uzaq yillar ötüp ketkechke, kishiler uning yüzidiki niqabni élishqa amalsiz qalghan, chünki niqabni éliwetkende momya buzulup kétishi mumkinken.

bu muzéyning bashliqi brown üch neper alim bilen birlikte qisquch we métal buyumlar arqiliq bir xil asma jaza yasap, jesetdanning aghzini kötürgen hemde uni muzéyning nemlikni kontirol qilghili bolidighan tejribixanisigha élip kirgen.Tash jesetdandiki xatirilerde ayan bolushiche, eger minirdis ölüp ketmigen bolsa, u atisigha oxshash kahin bolidiken. Nöwette, alimlar minirdisning néme sewebtin unche baldur ölüp ketkenlikini éniqlap bolalmighan.

bu tash jesetdan 20-esirning 20-yillirida qéziwélinipla amérika chikago fiéld tebiet tarixi muzéyigha tapshurup bérilgen, bu muzéyda hazirghiche misirdin keltürülgen jemiy 30 adem momyasi saqlanghan. Muzéy bashliqi brown tash jesetdanni échish jeryanida momyaning buzghunchiliqqa uchrap kétishidin ensirimeydiken. Buningdin ilgiri, tash jesetdandiki bir qisim nersiler yoqap kétip, momya biwasite awa bilen uchrashqan.

2015-yili 9-aydin bashlap, minirdis momya los anzhilis tebiet tarixi muzéyida körgezme qilinidiken hemde 2016-yili künde dénwér tebiiy péni muzéyida körgezme qilinishidin ümid barken.

 

Kéyinkisi
图片新闻