Bash bet>>Xewer Merkizi>>Süretlik Xewerler

Yü jéngshéng "men shinjangdin keldim"namliq kitabning aptori we kitabtiki bir qisim shexsler bilen körüshti

Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-12-11

 

 

junggo kompartiyesi merkiziy komitéti siyasiy biyurosi daimiy komitétining ezasi, memliketlik siyasiy kéngeshning reisi yü jéngshing 9-dékabir chüshtin kéyin béyjingda "men shinjangdin keldim" dégen kitabining aptori qurbanjan semet we kitabtiki béyjingda turuwatqan shexslerning wekilliri bilen körüshti tengritagh tori, béyjing, 9-dékabir xewiri : junggo kompartiyesi merkiziy komitéti siyasiy biyurosi daimiy komitétining ezasi, memliketlik siyasiy kéngeshning reisi yü jéngshing 9-dékabir chüshtin kéyin béyjingda "men shinjangdin keldim" namliq kitabining aptori qurbanjan semet we kitabtiki béyjingda turuwatqan shexslerning wekilliri bilen körüshti.

yü jéngshing köpchilik bilen semimiy pikirliship, ularning xizmet, turmush we kelgüsi oylirini tepsiliy sürüshtürdi. Ularning turmushta yoluqqan qiyinchiliqliri we tekliplirini estayidil anglidi.

yü jéngshing mundaq dédi : " men shinjangdin keldim " dégen kitabta yüzdin köprek shinjangliqning ichkirning her qaysi jayliridiki xizmet, turmush ehwali eks ettürülgen bolup, intayin heqiqiy we tesirlik bayan qilinghan. Shinjangdiki köpligen her millet ammisi özining tirishchanliqi arqiliq ichki rayonlarning turmushigha singip, shu jaylarning iqtisad, ijtimaiy tereqqiyati üchün töhpe qoshti. Biz her millet xelqi bilen bolghan büyük ittipaqliq we chong güllinishni ishqa ashurushta shinjangdiki her millet xelqi bilen ichki jaylarning alaqisi we almashturushini ilgiri sürüshimiz, almashturush we alaqilishish dawamida milletlerning héssiyatini kücheytip, chüshinishi we ishnishni ashurup, ortaq tereqqiy qilish qarishini kücheytishimiz kérek.

yü jéngshing mundaq dep körsetti : shinjangning jemiyet muqimliqini we milletlerning ittipaqliqini qoghdashta, milliy rayonlarning maarip we ishqa orunlishish xizmitini téximu muhim orungha qoyup, qosh til maaripining süpitini yenimu yuqiri kötürüp, shinjangliq oqughuchilarni ichkirdiki oquchilargha oxshash téximu yaxshi terbiyelinish imkaniyitige ige qilishimiz kérek. Emgek sighimi zich bolghan kesiplerni zor küch bilen tereqqiy qildurup, emeliy téxnika iqtidar terbiyesini kücheytip, az sanliq millet ammisining ishqa orunlishish iqtidarini tiriship östürüp, bu arqiliq her millet ammisini téximu yaxshi turmushqa ige qilishimiz kérek. Shinjangdiki her millet ammisi ichkirlerde xizmet qilish we turmush kechürüsh jeryanida qiyinchiliqqa yoluqsa, ichkir rayonlardiki partkomlar we xelq hökümetliri ularning qiyinchiliqini hel qilishigha yardem bérishi kérek.

junggo kompartiyesi merkiziy komitéti siyasiy biyurosining ezasi, shinjang uyghur aptonom rayonluq partkomning shujisi jang chünshyen, junggo kompartiyesi merkiziy komitéti shujichusining shujisi, memliketlik siyasiy kéngeshning muawin reisi du chinglin, memliketlik siyasiy kéngeshning muawin reisi, döletlik milletler ishliri komitétining mudiri wang jéngwéy qatarliqlar körüshüshke qatnashti. Aptonom rayon rehberliridin nur bekri, ché jün, erkinjan turaxun qatarliqlar körüshüshte bille boldi.

 

Kéyinkisi
图片新闻