Bash bet>>Xewer Merkizi>>Süretlik Xewerler

Talibanlarning pakistandiki mektepke hujum qilish weqeside qaza qilghanlar 141 ge yetti

Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-12-17

 

 

chetel Taratqulirining Unwérsal xewirige qarighanda, 16-dékabir pakistandiki taliban qoralliq küchliri pakistanning gherbiy shimalidiki herbiy qisim bashqurushidiki bir mektepke qoralliq hujum qilghan bolup, réytir agéntliqining xewer qilishiche, nechche yüz neper oqutquchi we oqughuchi taliban qoralliqliri teripidin tutqun qiliwélinghan.

xewerde éytilishiche, bu qétimliq hujum qilish weqesi pakistanning gherbiy shimaliy rayonidiki pishawar shehiride yüz bergen bolup, herbiy terep emeldarining éytishiche, eng az dégendimu alte neper qoralliq unsur herbiy qisim bashqurushidiki quruqluq armiye mektipige basturup kirgen.

réyitr agéntliqining neq meydandiki bir neper herbiy emeldarning sözini neqil keltürüp xewer qilishiche, nechche yüz neper oqutquchi we oqughuchilar qoralliq unsurlar teripidin tutqun qiliwilinghan bolup, mektepte texminen 500 neper etrapida oqutquchi we oqughuchi bar iken.

nöwette bu qétimliq hujum qilish weqeside qaza qilghanlarning sani alliqachan 141 ge yetken bolup, firansiye axbarat agéntliqining xewirige qarighanda, pakistan hökümet terep we herbiy terep eng az dégendimu ikki oqughuchining weqede yarilanghanliqini éytqan.


Kéyinkisi
图片新闻