Bash bet>>Xewer Merkizi>>Süretlik Xewerler

Örük chéchiki yene échildi

Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2015-03-19

 

 

6-nöwetlik shinjang ili örük chéchiki sayahet bayrimi 5-aprél bashlinidu

bahar kélip barche güller bes-beste échilishqa bashlidi, eger güllerdin huzurlinip bahar peyzini sürüshni oylisingiz, muxbirimizgha egiship ghulja nahiyesige bérip, güzel bahar menzirisi we hüppide échilghan örük chéchekliridin huzurlining.

18-mart muxbirning ili oblasti ghulja nahiyelik partkom ishxanisidin igilishiche, 5-aprél bashlinidighan 6-nöwetlik shinjang ili örük chéchiki sayahet bayrimi omumyüzlük teyyarliq basquchigha kirgen. Bu nöwetlik örük chéchiki bayrimida iqtisadchil, téjeshlik bayram ötküzüp, xelqni béyitish pirinsipigha asasen, köp supa, köp nuqtida turup, "yüz yilliq örük yurti"ning munewwer medeniyiti merkezlik teshwiq qilinip, ghulja nahiyesining iqtisadiy medeniyiti, sayahet bayliqi qatarliq medeniyet uchurliri aktip kéngeytilidiken.

paaliyet örükzarliq, meydan, jirghalang deryasidin ibaret üch bölekke bölüngen. Örükzarliq bölikide asasliqi konsért, darwazliq oyuni, örük chéchiki güzili, yashanghanlar bahalash paaliyiti, qol hüner buyumliri we milliyche kiyim-kécheklerni körgezme qilip sétish, toxu soqushturush, qoshqar soqushturush hemde milliyche alahidilikke ige taamxanilar asas qilinghan. Meydan paaliyitide asasliqi güzel senet-foto süret körgezmisi, ghelite tashlarni kimartuq we körgezme qilip sétish, yashlar naxsha musabiqisi,"örük chéchiki eslimisi" kilassik kinolarni qoyush asas qilinghan. Jirghalang deryasi bölikide asasliq türlük mallarni körgezme qilip sétish, toy murasimi körgezmisi, qurulush-mashinisazliq körgezmisi, salyot kéchiliki asas qilinghan. Shuning bilen birge, paaliyette yene ghulja nahiyesining merkiziy kochisigha ésil taamlar kochisi tesis qilinip, aptomobil körgezmisi élip bérilidiken.

bu bir türküm paaliyetler arqiliq ghulja nahiyesining yépyéngi, aktip, jelpkarliqi sirtqi dunyagha namayan qilinidu.

 

 

Kéyinkisi
图片新闻