Bash bet>>Xewer Merkizi>>Süretlik Xewerler

Taliban qoralliq teshkilatining aliy rehbiri ömerning ölümi ispatlandi

Tehrir:Osmanjan yüsüp     Menbesi:Junggo uyghurche radiyo tori     Yollan'ghan waqit: 2015-07-30

 

junggo uyghurche radiyo tori 30-iyul béyjing xewiri:

afghanistan dölet bixeterlik idarisining 29-iyul kechte ispatlishiche, taliban qoralliq teshkilatining aliy rehbiri molla muhemmed ömer ikki yildin köprek waqit ilgiri pakistandiki bir doxturxanida ölgen.

afghanistan dölet bixeterlik idarisining bayanatchisi mundaq didi: ishenchlik xewerlerge qarighanda, ömer ikki yil töt ay ilgiri pakistanning karachi shehiridiki bir doxturxanida ölgen, taliban terep bu xewerni izchil ashkarilimighan. U ömerning konkirét ölüsh sewebini ashkarilimidi. U: melum mezgildin kéyin ehwalgha qarap bu ishning tepsilatini taratqulargha élan qilimiz dédi.

taliban terep hazirgha qeder bu ish toghrisida héchqandaq bayanat élan qilmidi.

molla muhemmed ömer nahayiti sirliq bir kishi, uning tughulghan waqti toghrisida türlük qiyaslar bar, lékin héchkim éniq waqtini éytip bérelmeydu, uning ashkara élan qilinghan süretlirimu yoq déyerlik. U 1994-yili afghanistanning jenubi qismidiki qendihar ölkiside taliban qoralliq teshkilatini teshkilligen. 1996-yili ömer taliban qoralliq küchlirini bashlap paytext kabulni ishghal qilghan hemde afghanistan islam xelipilikini qurghan. Ömer amérikining esheddiy düshmini bén ladinni qanat astigha alghanliqtin, amérika 2001-yili afghanistan urushini qozghighandin buyan, peskoygha chüshüp, izchil ashkara körünüp baqmighan.

xewerlerge qarighanda, afghanistan hökümiti taliban bilen yéqinda 2-nöwet tinchliq söhbiti ötküzidiken.

 

Kéyinkisi
图片新闻