Bash bet>>Xewer Merkizi>>Süretlik Xewerler

Béyjing bilen jangjyaku 2022-yilliq qishliq olimpik musabiqisi ötküzüsh hoquqigha érishti

Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2015-08-01

 

junggo uyghurche radiyo tori 1-awghust béyjing xewiri:

xelqara qishliq olimpik komitétining 128-omumiy yighini 31-iyul malaysiyening paytexti kualalompurda ötküzüldi, yighingha qatnashqan xelqara olimpik komitétining ezaliri namsiz awaz bérish arqiliq 2022-yilliq qishliq olimpik musabiqisini ötküzidighan sheherni saylap chiqti. Béyjing waqti chüshtin kéyin saet 17 din 58 minut ötkende, xelqara olimpik komitétining reisi bax béyjing bilen jangjyakuning 2022-yilliq qishliq olimpik musabiqisini ötküzüsh hoquqigha érishkenlikini jakarlidi.

dölet reisi shi jinping iltimas qilish xizmitige yüksek baha berdi. Bayan qilish jeryanida, u xenzuche widiyo arqiliq, köpchiliktin hal soridi hem éhtiram bildürdi. Shi jinping mundaq dédi: men junggo hökümiti we xelqige wakaliten, yighin meydanidiki her qaysi ezalar, dostlargha béyjingning 2022-yilliq qishliq olimpik musabiqisini ötküzüshini eng qetiy qollaydighanliqimni bildürimen. 2022-yilliq qishliq olimpik musabiqisining junggoda ötküzülüshi-jungxua medeniyiti bilen dunyadiki her qaysi döletler medeniyitini öz ara almashturup, junggodiki bir milyard 300 milyondin artuq ademning qishliq tenheriketke köngül bölüsh, qizghin söyüsh, qatnishishigha türtke bolushqa paydiliq. Bu-junggo xelqini olimpik herikitini tereqqiy qildurush we olimpik rohini yetküzüshke töhpe qoshush pursitige yene bir qétim ige qilidu. Junggo hökümiti olimpik herikitining qimmet qarishi we xelqara olimpik komitétining islahat teshebbusigha yüksek apirin oqup, her bir wedisini omumyüzlük neqleshtürüp, olimpik 2020 qaralmisini etrapliq emeliyettin ötküzidu. Junggo xelqi bu qétimqi pursetke intizar bolmaqta we kütmekte. Men eger béyjing tallinip qalsa, junggo xelqining choqum béyjingda dunya üchün bir nöwet ésil, özgiche, qaltis qishliq olimpik musabiqisi ötküzüp béreleydighanliqigha ishinimen!

Kéyinkisi
图片新闻