Bash bet>>Xewer Merkizi>>Süretlik Xewerler

Shi jinping urush ghelibisining 70 yilliqini xatirilesh yighinida muhim söz qildi

Tehrir:Osmanjan yüsüp     Menbesi:Junggo uyghurche radiyo tori     Yollan'ghan waqit: 2015-09-03

 

shi jinping junggo xelqining yapon basqunchilirigha qarshi urushi we dunya fashizmgha qarshi urushi ghelibisining 70 yilliqini xatirilesh yighinida muhim söz qildi

 

junggo uyghurche radiyo tori 3-séntebir béyjing xewiri:

junggo kompartiyesi merkiziy komitétining bash shujisi, dölet reisi, junggo merkiziy herbiy ishlar komitétining reisi shi jinping junggo xelqining yapon basqunchilirigha qarshi urushi we dunya fashizmgha qarshi urushi ghelibisining 70 yilliqini xatirilesh yighinida muhim söz qildi.

pütün memlikettiki qérindashlar, hörmetlik her qaysi dölet bashliqliri, hökümet bashliqliri, birleshken döletler teshkilati qatarliq xelqara teshkilatlarning wekilliri, hörmetlik méhmanlar, paratqa qatnashqan komandér-jengchiler, xanimlar, ependiler, yoldashlar, dostlar…

bügün dunya xelqi menggü xatirileshke erziyidighan kün. 70 yilning aldidiki bügünki künde junggo xelqi 14 yilgha sozulghan japaliq küreshni bashtin kechürüp, junggo xelqining yapon basqunchilirigha qarshi urushining ulugh ghelibisini qolgha keltürdi, dunya fashizmgha qarshi urushining pütünley ghelibe qilghanliqini jakarlidi. Tinchliq nuri yene bir qétim zéminni qaplidi.

bu yerde men junggo kompartiyesi merkizi komitéti, memliketlik xelq qurultiyi, gowuyüen, memliketlik siyasiy meslihet kéngishi, merkizi herbiy ishlar komitétigha wakaliten, pütün memlikettiki yapon basqunchilirigha qarshi urushqa qatnashqan pishqedem jengchiler, pishqedem yoldashlar, wetenperwer zatlar, yapon basqunchilirigha qarshi urushigha qatnashqan génrallar, junggo xelqining yapon basqunchilirigha qarshi urushining ghelibe qilishi üchün zor töhpe qoshqan dölet ichi we sirtidiki jungxua perzentlirige aliy éhtiram bildürimen! junggo xelqining yapon basqunchilirigha qarshi urushining ghelibe qilishi üchün yardem bergen chetel hökümetliri we xelqaradiki dostlargha semimiy minnetdarliqimni bildürimen, bügünki paaliyetke qatnishshqa kelgen her qaysi dölet méhmanliri, herbiyler, dostlarni qizghin qarshi alimen.

xanimlar, ependiler, yoldashlar, dostlar, junggo xelqining yapon basqunchilirigha qarshi urushi we dunya fashizmgha qarshi urushi- heqqaniyliq bilen rezillik, yoruqluq bilen zulmet, tereqqiyperwerlik bilen eksiyetchilikning zor hel qilghuch jeng bolup, bu rehimsiz jengde junggo xelqining yapon basqunchilirigha qarshi urushi eng burun bashlanghan, eng uzun dawamlashqan. Tajawuzchilar bilen égilmey-sunmay qanliq jeng qilip, yapon militarizim tajawuzchilirini teltöküs meghlub qilip, jungxua milletlirining besh ming yildin artuq tereqqiy qilghan medeniyet netijilirini, insaniyetning tinchliq ishlirini qoghdidi, urush tarixida möjize yaritip, jungxua milletlirining jasaritini namayen qildi.

junggo xelqining yapon basqunchilirigha qarshi urushining ghelibisi-yéqinqi zamandin buyan junggoning chetel tajawuzchiliri üstidin tunji qétim toluq ghelibe qilishi hésablinidu. Bu ulugh ghelibe yapon militarizmining junggoni mustemlike qilish, qul qilish suyiqestini teltöküs bitchit qilip, junggoning yéqinqi zamanlardin buyan chetel tajawuzchiliri aldida daim meghlup bolushtek milliy ar nomusini yudi. Bu ulugh ghelibe- junggoning dunyadiki chong döletke xas ornini qayta tiklep, junggo xelqini dunyadiki tinchliqni söyidighan xelqlerning hörmitige érishtürdi. Bu ulugh ghelibe jungxua milletlirining ulugh güllinishining parlaq istiqbalini achti, qedimiy junggoning xarabilik arisidin bash kötürüp yéngi hayatqa érishish musapisini bashlidi.

bu urushta, junggo xelqi zor milliy qurbanliq bérip, fashizmgha qarshi dunya urushining sherqtiki asasiy urush meydanidiki düshmenge taqabil turup, fashizmgha qarshi dunya urushining ghelibisini qolgha keltürüsh üchün muhim töhpe qoshti. Junggo xelqining yapon basqunchilirigha qarshi urushimu xelqara jemiyetning omumyüzlük qollishigha érishti, junggo xelqi herqaysi dölet xelqining junggoning yapon basqunchilirigha qarishi urushi ghelibisi üchün qoshqan töhpisini menggü este ching tutidu.

xanimlar, ependiler, yoldashlar, dostlar! urush otida örtengenler tinchliqning qedrige hemmidin bekrek yétidu. Bizning junggo xelqining yapon basqunchilirigha qarshi urushi we dunya fashizmgha qarshi urushi ghelibisining 70 yilliq xatire künini xatirilishimiz - tarixni este ching saqlash, inqilabiy qurbanlarni chongqur yad étish, tinchliqni qedirlep kelgüsini yaritishni meqset qilidu.
shu qétimliq urush oti asiya, yawropa, afriqa, okyaniyeni qaplidi, armiye we xelqtin yaridar bolghan, qaza qilghanlar yüz milyondin ashti, buning ichide junggoluqlardin 35 milyondin artuq kishi qaza qildi we yarilandi, sabiq sowét ittipaqidin qaza qilghan we yarilanghanlar 27 milyondin ashti. Bundaq tarixiy pajiening qayta yüz bérishidin saqlinish - eyni yillarda insanlarning erkinliki, heqqaniyet we tinchliqni qoghdash yolida qurban bolghan qehrimanlarni, hayatidin ayrilghan bigunahlarni eng yaxshi xatirligenlikimizdur.

urush bir eynek, u kishilerge tinchliqning neqeder qimmetlik ikenlikini téximu yaxshi tonutti. Bügünki künde tinchliq we tereqqiyat dewr asasiy témisigha aylandi, lékin dunya yenila tinch emes, urushning dartmorks shemshiri yenila insaniyetning béshida pulanglap turmaqta. Biz tarixni örnek qilip, tinchliqni qoghdash iradimizni chingitishimiz kérek.

tinchliq üchün insaniyet teqdirdashlar ortaq gewdisi qarishini mustehkem turghuzishimiz kérek. Bir tereplime qarash we kemsitish, öchmenlik we urush peqetla apet we azab élip kélidu. Öz ara hörmet qilish, barawer muamile qilish, tinch tereqqiy qilip, ortaq güllishnila dunyaning toghra yolidur. Dunyadiki herqaysi döletler birleshken döletler teshkilati nizamnamiside belgilengen asasiy meqset we pirinsipini yadro qilghan xelqara tertip we xelqara sistémini ortaq qoghdap, hemkarliship teng menpeetlinishni yadro qilghan yéngiche xelqara munasiwetni paal ornitip, dunyaning tinchliqi we tereqqiyatidin ibaret ulughwar ishni ortaq ilgiri sürüshi lazim.

junggo tinch tereqqiyat yolida bashtin-axir qetiy tewrenmey mangidu. Jungxua milletliri ezeldin tinchliqperwer millet. Junggo herqanche tereqqiy qilsimu, menggü zomiger bolmaydu, menggü kéngeymichilik qilmaydu, özi bashtin kechürgen échinishliq kechürmishlerni bashqa milletlerge menggü tangmaydu. Junggo xelqi dunyadiki her qaysi dölet xelqi bilen dostane ötüp, junggo xelqining yapon basqunchilirigha qarshi urushi we dunya fashizmgha qarshi urushining ghelibe méwisini qetiy qoghdap, insaniyet üchün téximu zor töhpilerni qoshushqa tirishidu.

junggo xelq azadliq armiyesi xelqning perzent eskerliri, pütün armiyediki komandir-jengchiler jan dil bilen xelq üchün xizmet qilishtin ibaret bu tüp meqsetni éside mehkem saqlap, wetenning bixeterlikini we xelqning tinch turmushini qoghdashtek muqeddes burchini sadiqliq bilen ada qilidu, dunya tinchliqini qoghdashtiki muqeddes burchini sadiqliq bilen ijra qilidu. Men bu yerde shuni jakarlaymenki, junggo 300 ming esker qisqartidu.

xanimlar, ependiler, yoldashlar, dostlar!

"ishni chirayliq bashlaydighanlar köp, lékin chirayliq ayaghlashturidighanlar köp emes." jungxua milletlirining ulugh güllinishni ishqa ashurush ewladmu-ewlad kishilerning tirishchanliq körsitishige muhtaj. Besh ming yilliq shanliq medeniyliki yaratqan jungxua milletliri choqum téximu parlaq kelgüsini yaritalaydu.

algha ilgirilesh yolida, pütün memlikettiki her millet xelqi junggo kompartiyesining rehberlikide, markisizm, léninizm, maw zédung idiyesi, déng shawping nezeriyesi, üchke wekillik qilish muhim idiyesi, ilmiy tereqqiyat qarishini yétekchi qilishta ching turup, junggoche sotsiyalizm yolini boylap, töt omumyüzlük istratégiyelik orunlashturmisi boyiche, ulugh wetenperwerlik rohini, yapon basqunchilirigha qarshi urush ulugh rohini ewj aldurup, hemme bir niyette japa-musheqqetni yéngip, közligen nishangha yétish üchün jasaret bilen dawamliq ilgirileyli!

biz tarix ispatlighan ulugh heqiqetni ésimizde ching tutayli. Heqqaniyet ghaliptur! tinchliq ghaliptur! xelq ghaliptur!

 

Kéyinkisi
图片新闻