Bash bet>>Xewer Merkizi>>Süretlik Xewerler

Mekkidiki dessilishte az dégende 1300 kishi qaza qildi,buning ichide bir junggoluq bar

Tehrir:Esqer tursun     Menbesi:Junggo uyghurche radiyo tori     Yollan'ghan waqit: 2015-09-25

 

 

junggo uyghurche radiyo tori 25 - séntebir béyjing xewiri:

junggo diplomatiye ministirliqining bayanatchisi xung léyning 25-séntebir chüshtin kéyin ötküzülgen qerellik muxbirlar yighinida ispatlishiche, hazirghiche seudi erebistanining mekke shehiridiki hej qilghuchilar dessilish weqeside junggoluq bir hej qilghuchi qaza qilghan. Xung léy mundaq dédi: junggo seudi erebistanining mekke shehiridiki mina téghida hej qilghuchilar dessilish weqesi yüz bérip, éghir ölüm-yétim bolghanliqidin chongqur qayghuridu. Junggo qaza qilghuchilargha chongqur teziye bildüridu, qaza qilghanlarning aile teweliri we yaridarlardin hal soraydu.

xung léy mundaq dédi: weqedin kéyin, junggoning seudi erebistanidiki bash elchixanisi we jiddidiki bash konsulxanisi jiddiy taqabil turush méxanizmini derhal yolgha qoydi, bash elchi we bash konsul derhal neq meydangha bérip ehwalni igilidi hemde alaqidar bir terep qilish xizmetlirini ishlidi, shuning bilen birge hej qilghuchilarning bixeterlik éngini kücheytip, jismaniy bixeterlikige kapaletlik qilishini eskertti. Bash elchixana weqege dawamliq diqqet qilidu hemde junggo hej tawap bash ömiki birge axiretlik ishlarni yaxshi bir terep qilidu.

seudi erebistanining mekke shehirige yéqin etrapta hej qilghuchilar dessilish weqesi yüz berdi. Bu mekkide 25 yildin buyan yüz bergen eng éghir dessilish weqesi, shundaqla bu yilliq hej mezgilide yüz bergen ikkinchi qétimliq ölüm-yétim weqesi.
iran fars agéntliqining 24-séntebirdiki xewirige qarighanda, mekke shehirige yéqin etrapta yüz bergen hej qilghuchilar dessilish weqeside az dégende 1300 kishi qaza qilghan, ikki mingdin artuq kishi yarilanghan.
fars agéntliqining éytishiche, qaza qilghanlar ichide 131 iran puqrasi bar iken, bundin bashqa iranliq texminen 150 kishi yarilanghan.

 

Kéyinkisi
图片新闻