Bash bet>>Xewer Merkizi>>Süretlik Xewerler

Shi jinping obama bilen junggo-amérika bashliqliri uchrishishi ötküzdi

Tehrir:Iminjan ismayil     Menbesi:Junggo uyghurche radiyo tori     Yollan'ghan waqit: 2015-09-26

 

 

junggo uyghurche radiyo tori 25 - séntebir béyjing xewiri:

dölet reisi shi jinping 24-séntebir kechte washington bulayir méhmanxanisida amérika zungtungi obama bilen junggo-amérika bashliqliri uchrishishi ötküzdi.

shi jinping 24-séntebir chüshtin kéyin amérikining paytexti washingtongha yétip béripla obamaning teklipige binaen aqsaraygha bardi. Obama aqsarayning aldida qizghin kütüwaldi. Arqidin, ikki dölet bashliqliri pinsiliwaniye kochisini boylap piyade méngip, bulayir méhmanxanisigha bardi. Ikki dölet bashliqliri mangghach paranglashti.

ikki dölet bashliqliri üch saet söhbetliship, döletni idare qilish, hakimiyet yürgüzüsh, junggo-amérika munasiwiti qatarliq ortaq köngül bölidighan muhim mesililer heqqide chongqur pikir almashturdi. Amérikining muawin zungtungi bidén, amérikining dölet ishliri katipi kérri qatarliq amérika emeldarlirimu körüshüshke qatnashti.

shi jinping mundaq dep körsetti: biz 2013-yili 6-ayda annabérg qoruqida uchrashqanda, junggo bilen amérikining yéngiche chong döletler munasiwitini birlikte tériship ornitish heqqide muhim ortaq tonush hasil qilghan iduq. Bultur 11-ayda siz junggoda dölet ishliri ziyaritide bolghan mezgilde, biz yene bir qétim uzun söhbetleshtuq. Bundaq chongqur almashturush-junggo-amérika munasiwitining tereqqiyatigha yönilish körsitip bérish, hayatiy küch qoshushqa paydiliq.

shi jinping munularni tekitlidi: islahat, échiwétish-junggoning tüp dölet siyasiti shundaqla bundin kéyin junggoning tereqqiyatini ilgiri süridighan tüp heriketlendürgüchi küch. Junggoning échiwétish derwazisi menggü taqilip qalmaydu, chetel karxaniliri bundin kéyin junggoda meblegh sélip ronaq tapsa, téximu échiwétilgen, boshitilghan, ashkara bolghan muhittin behrimen bolsa bolidu. Tinch tereqqiyat yolida méngish-junggoning istratégiyelik tallishi, bizning tarix, réalliq, kelgüsige bolghan obyéktip hökümimizdin chiqirilghan yekün. Shuning bilen bille, biz öz igilik hoquqimiz, bixeterlikimiz, tereqqiyat menpeetimizni qetiy qoghdishimiz kérek.

obama munularni bildürdi: amérika junggoning  Tinch qed kötürüshini qarshi alidu . Muqim , güllengen junggo junggo xelqining menpeetige uyghun bolupla qalmastin ,  Amérika we xelqara jemiyetning  Menpeetigimu uyghun.  Dunya köp qutuplishishqa qarap yüzlendi , junggo qatarliq yéngidin gülliniwatqan döletlerning xelqara sistémisidiki pikir bayan qilish hoquqi we wekillik xaraktéri  Yuqiri kötürülüshi kérek . Amérika junggoning dunyada  Téximu muhim rol oynishini ümid qilidu .

shi jinping munularni tekitlidi:  Ikki dölet yuqiri qatlamdiki istratégiyelik özara ishinishni kücheytishi kérek , men köp qétim mundaq dégen idim : tinch okyan   chong , junggo bilen amérikining tereqqiyatini sighduralaydu . Junggo bilen amérikining toqunushmasliqi, qarishlashmasliqi, özara hörmet qilishi, hemkarliship teng behrilinishini ishqa ashurush- junggoning diplomatiye siyasitining aldinqi yönilishi. Junggo bilen amérika otturisidiki ortaq menpeet ixtilaplardin köp. Ikki terep hemkarliqi bashtin - axir asasiy éqim bolup keldi . Pakitlar shuni  Toluq chüshendürüp berdiki, junggo bilen amérikining yéngiche chong döletler munasiwiti ornitishidin ibaret bu nishan-pütünley toghra, qudretlik hayati küchke ige . Ikki terep qetiy mushu yönilishni boylap , puxta qedem bilen méngishi  Kérek . Kéyinki basquchta , ikki terep yuqiri qatlamdikilerning alaqisini dawamliq kücheytip , hemkarliqni paal  Kéngeytip , ixtilaplarni muwapiq hel qilip, jamaet pikri yétekchilikini kücheytip , junggo bilen amérika munasiwitining tereqqiyatidiki yaxshi weziyetni saqlishi hemde buningdin kéyin uningdinmu uzaq  Waqit ikki dölet munasiwitining tereqqiyatigha puxta asas sélishi kérek .

obama munularni bildürdi: men chong döletler bilen yéngidin gülliniwatqan döletler jezmen toqunushup qalidu dégen qarashqa qoshulmaymen . Chong döletler bolupmu amérika - junggo otturisidiki munasiwette   Imkanqeder toqunush yüz bérishtin saqlinish kérek . Ishinimenki amérika bilen junggoning  Ixtilaplarni  Yaxshi tizginlesh iqtidari bar.  Amérika bilen junggo otturisidiki riqabet ijabiy bolushi kérek, bu  Ijabiy ehmiyetke ige .

ikki dölet bashliqliri 25-séntebir söhbet ötküzüp,  Yenimu pikir almashturdi.

 

Kéyinkisi
图片新闻