Bash bet>>Xewer Merkizi>>Süretlik Xewerler

Yüjéngshéng shinjang uyghur aptonom rayoni qurulghanliqining 60 yilliqi paaliyitige qatnishish üchün ürümchige yétip bardi

Tehrir:Adil ablet     Menbesi:Junggo uyghurche radiyo tori     Yollan'ghan waqit: 2015-09-26

 

 

junggo uyghurche radiyo tori 26 - séntebir béyjing xewiri:

junggo kompartiyesi merkiziy komitéti siyasiy biyurosi daimiy komitétining ezasi, memliketlik siyasiy kéngeshning reisi yü jéngshéng ömek bashchiliqidiki merkez wekiller ömiki  25-séntebir  Chüshte ayropilan bilen ürümchige yétip bérip, shinjang uyghur aptonom rayoni qurulghanliqining 60 yilliqini tebriklesh paaliyitige qatnashti. Merkez wekiller ömiki  Ayrodurumda shinjangdiki her millet ammisining qizghin kütüwélishigha muyesser boldi. 25-séntebir chüshte junggo kompartiyesi merkiziy komitéti siyasiy biyurosi daimiy komitétining ezasi, memliketlik siyasiy kéngeshning reisi,  Merkez wekiller ömikining bashliqi yü jéngshéng merkez wekiller ömikini bashlap shinjang uyghur aptonom rayonigha xatire buyum tarqitish murasimigha qatnashti. Merkez wekiller ömiki shinjanggha bash shuji shi jinpingning ramkigha élinghan tebrik sözi, döletning asayishliqigha simwol bolghan anar qatarliq xatire buyumlirini hediye qildi.Shinjang uyghur aptonom rayoni merkez wekiller ömikige qanasning menzirisi chüshürülgen gilemni hediye qildi. Xatire buyumlirini hediye qilish murasimida yü jéngshéng junggo kompartiyesi merkiziy komitéti siyasiy biyurosining ezasi , shinjang uyghur aptonom rayonluq partkomning shujisi jang chünshyen bilen bash shuji shi jinpingning ramkigha élinghan tebrik sözi, aptonom rayonning merkez wekiller ömikige hediye qilghan gilimining yopuqini achti. Merkez wekiller ömiki hediye qilghan xatire buyumi toqquz chong türni öz ichige alidighan bolup, ramkigha chüshürülgen tebrik söz, gül, muzika esliheliri, yesli maaripi esliheliri, milletler ittipaqliqi tereqqiyat ishliri fondi tesis qilish üchün ajritilghan 50 milyon yüen pul qatarliqlarni öz ichige alidu. 25-séntebir chüshtin kéyin yü jéngshéng merkez wekiller ömikining qismen ezalirini bashlap ilgiri kéyin bolup, shinjang islam instituti, shinjang uniwérsitétigha bérip, déni sahe we maarip medeniyet sahesidiki erbablar wekillirini yoqlidi. Yü jéngshéng shinjangdiki barliq déni sahe zatlirining déni étiqad erkinliki siyasitini heqiqiy izchillashturup, élimizning dinni junggochilashturush yönilishide ching turup, diniy bilim we sewiyesini üzlüksiz östürüp, milletler munasiwiti, dinlar munasiwitining inaqliqini angliq qoghdap, shinjangning ijtimaiy muqimliqi we ebediy eminlikini tiriship ilgiri sürüshini ümid qildi. Arqidin yü jéngshéng shinjang uniwérsitétigha bérip, maarip medeniyet sahesidiki erbablar wekilliri bilen söhbetleshti. Söhbette köpchilik keng kushade söz bayan qildi. Yü jéngshéng estayidil anglidi hemde arilap  Arilap soal soridi. 25-séntebir chüshtin kéyin yü jéngshéng merkez wekiller ömikining ezalirini bashlap ürümchi inqilabiy qehrimanlar qebristanliqigha bérip, xelq qehrimanliri munarigha  Gül sowéti qoydi. Hemde ürümchi inqilabi qurbanlar ish izliri xatire sariyini ékskursiye qildi. Merkez wekiller ömikining 3-, 4-, 5-ömekliri 25- séntebir chüshtin kéyin ürümchide her  Millet kadirlar ammisi we shinjangda turushluq qisimlardiki komandir jengchilerni ayrim ayrim yoqlidi, hemde shinjang xelqidin bayram munasiwiti bilen hal soridi.

 

Kéyinkisi
图片新闻