Bash bet>>Xewer Merkizi>>Süretlik Xewerler

Lyu yendung merkez wekiller ömiki tarmaq ömikini bashlap xotenge bérip, her millet kadir ammisini yoqlidi

Tehrir:Esqer tursun     Menbesi:Junggo uyghurche radiyo tori     Yollan'ghan waqit: 2015-09-27

 

 

junggo uyghurche radiyo tori 27 - séntebir béyjing xewiri:

junggo kompartiyesi merkiziy komitéti siyasiy biyurosining  Ezasi, gowuyüenning muawin zunglisi, merkez wekiller ömikining muawin bashliqi lyu yendung 26-séntebir merkez wekiller ömiki tarmaq ömikini bashlap xoten wilayitige bérip her millet kadir ammisini yoqlap hal soridi, yéza-kentler, zawutlargha bérip közdin kechürdi, her sahe kadirliri we ammisi bilen keng dairide söhbetliship, shinjang uyghur aptonom rayoni qurulghanliqining 60 yilliqini birlikte tebriklidi.

lyu yendung xoten wilayitide shinjang uyghur aptonom rayoni qurulghanliqining 60 yilliqini tebriklesh söhbet yighinigha qatnashqanda mundaq dédi: 60 yildin buyan, partiye merkiziy komitéti, gowuyüenning yüksek ehmiyet bérishi we alaqidar ölke, sheherler, tarmaqlarning zor küch bilen qollishi arqisida, her millet kadir ammisining ittipaqliship küresh qilishi netijiside xotende alemshumul özgirishler boldi, iqtisadiy emeliy küchi tedrijiy zoraydi, xelq turmushi ishliri üzlüksiz yaxshilandi, sheher-yéza qiyapiti künséri yéngilandi, qalaq, namrat chöllükler xatirjem olturaqlishidighan bextlik mehellilerge aylandi.

lyu yendung mundaq dédi: jemiyet muqimliqi we ebediy eminlik shinjang xizmitining omumiy nishani we muhim nuqtisi, her millet xelqining tüp menpeeti we jemiyet omumiyliqining muqimliqini qetiy qoghdash kérek.  Xotenning özgiche ewzellikini jari qildurup, bir belbagh bir yol qurulushi pursitini ching tutup, halqima tereqqiyatqa türtke bolush lazim. Maaripni heqiqiy ching tutup, dawalash, sehiye sahesidiki ajizliqlarni toluqlap, namratlarni yölesh jéngini obdan qilip, ammining érishish tuyghusini östürüp, medeniyet tonushni kücheytip, inaq bille ötidighan, bir yaqidin bash chiqiridighan, ittipaq, dostane milletler chong ailisi qurush kérek.


Kéyinkisi
图片新闻