Bash bet>>Xewer Merkizi>>Süretlik Xewerler

Shi jinping tereqqiy qiliwatqan döletler hemkarliqi heqqidiki yumilaq üstel yighinigha riyasetchilik qildi

Tehrir:Élnure rehimbeg     Menbesi:Junggo uyghurche radiyo tori     Yollan'ghan waqit: 2015-09-27

 

 

junggo uyghurche radiyo tori 27 - séntebir béyjing xewiri:

dölet reisi shi jinping shu jay waqti 26-séntebir niyu yorktiki birleshken dölet teshkilatining bash orginida tereqqiy qiliwatqan döletler hemkarliqi heqqidiki yumilaq üstel yighinigha qatnashti, tereqqiy qiliwatqan döletlerning rehberliri we xelqara teshkilatlarning mesulliri bilen tereqqiy qiliwatqan döletler hemkarliqining tejribilirini yekünlep, hemkarliship tereqqiy qilish pilanlirini birlikte kéngeshti.

shi jinping yighinda munularni bildürdi: 1974-yili déng shyawping ependi birleshken döletler teshkilati yighinida söz qilip junggo tereqqiy qiliwatqan dölet bolup 3-dunyagha tewe, dep körsetken idi.  40 nechche yil ötüp ketti, junggo gerche ghayet zor tereqqiyat muweppeqiyetlirige érishken bolsimu, emma yenila tereqqiy qiliwatqan dölet bolup, tereqqiy qiliwatqan döletler hemkarliqigha awwalqidekla ehmiyet béridu.

shi jinping yéngi mezgildiki tereqqiy qiliwatqan döletler hemkarliqi heqqide bir qanche nuqtiliq teklipni otturigha qoydi. Bu, köp menbeleshken tereqqiyat yolliri üstide izdinish, döletni idare qilip hakimiyet yürgüzüsh tejribiliridin teng behrimen bolush, hemkarliqtiki aldin oylishidighan sahe we yönilishni toghra tépip chiqish, iqtisad soda, pul muamile, meblegh sélish, ul eslihe, yéshil muhit asrash qatarliq sahelerdiki hemkarliqni teng ilgiri sürüsh qatarliqlarni öz ichige alidu.

yéngi dewrde tereqqiy qiliwatqan döletler hemkarliqida emeliyetchil tereqqiyat ünümini namayan qilishqa tirishish kérek. Tereqqiy qiliwatqan döletler hemkarliqi quruq gep bolup qalmasliqi, uni heqiqiy emeliyleshtürüsh kérek. Biz alaqini rawanlashturup, ishlepchiqirish iqtidari hemkarliqini bösüsh éghizi qilishimiz. Yéngi dewrde tereqqiy qiliwatqan döletler hemkarliqida yer sharining tereqqiyat ramkisini mukemmelleshtürüshke tirishishimiz kérek. Biz yer sharining iqtisadini tizginlesh islahatini ilgiri sürüshimiz, tereqqiy qiliwatqan döletlerning wekillikliki we söz qilish hoquqini ashurup, köp tereplik soda tüzülmisini mustehkemlishimiz kérek.

shi jinping munularni jakarlidi: kelgüsi besh yilda junggo tereqqiy qiliwatqan döletlerni tür jehettin qollaydu, bu namratlarni azaytish  Toghrisidiki 100 tür,  Yéza igiliki hemkarliqi toghrisidiki 100 tür,  Sodini ilgiri sürüp yardem bérish toghrisidiki 100 tür, ékologiyeni qoghdash we kilimat özgirishige taqabil turush toghrisidiki 100  Tür, 100 doxturxana we shipaxana qurush türi, 100 mektep we kespiy terbiyelesh merkizini qurush türini öz ichige alidu. Buningdin bashqa, kelgüsi besh yilda junggo tereqqiy qiliwatqan döletlerni 120 ming junggogha terbiyelinishke kélish we 150 ming  Oqush mukapati  Sani bilen teminlep, tereqqiy qiliwatqan döletlerge 500 ming kespiy téxnika xadimi terbiyelep béridu.

u munularni tekitlidi: tereqqiy qiliwatqan döletler bilen ittipaqliship hemkarlishish junggoning tashqi munasiwitidiki tewrenmes asas.

junggo tereqqiy qiliwatqan döletlerning biri, junggo tereqqiyat pursitidin tereqqiy qiliwatqan döletler bilen teng behrimen bolidu. Junggo xelqining tereqqiy qiliwatqan döletler xelqi bilen bolghan chongqur dostluqi bizning eng qimmetlik bayliqimiz, biz awwalqidekla öz tereqqiyatimizni tereqqiy qiliwatqan döletler bilen teng tereqqiy qilishqa zich baghlap, birlikte ortaq tereqqiy qilishning daghdam yolida mangimiz.

tereqqiy qiliwatqan döletler hemkarliqi heqqidiki yumilaq üstel yighinida birlikte reis axbarati élan qilinip, tereqqiyat nuqtiinezeri tejribilirini almashturushni kücheytish, makroluq siyasetni maslashturushni chongqurlashturush, yer shari iqtisadini tizginlesh islahatini ilgiri sürüsh qatarliq hemkarliqni chongqurlashturush teklipliri otturigha qoyuldi.

 

Kéyinkisi
图片新闻