Bash bet>>Xewer Merkizi>>Süretlik Xewerler

Shi jinping junggoning birleshken döletler teshkilatigha tinchliq longqisini teqdim qilish murasimigha qatnashti

Tehrir:Ilham mamut     Menbesi:Junggo uyghurche radiyo tori     Yollan'ghan waqit: 2015-09-28

 

junggo uyghurche radiyo tori 28-séntebir béyjing xewiri:

dölet reisi shi jinping 27-séntebir nyuyorkta junggoning birleshken döletler teshkilatigha tinchliq longqisini teqdim qilish murasimigha qatnashti. Birleshken döletler teshkilatining bash katipi ban kimon murasimgha qatnashti.

shi jinping murasimda söz qilip mundaq dep körsetti: birleshken döletler teshkilati qurulghanliqini 70 yilliqini xatirilesh üchün, junggo hökümiti birleshken döletler teshkilatigha tinchliq longqisini teqdim qilishni qarar qildi. "tinchliq longqisi" junggoning qedimiy bironza qorallar ichidiki longqini esli tip qilghan bolup, junggoning birleshken döletler teshkilatigha ehmiyet béridighanliqini we qollaydighanliqini, shundaqla 1 milyard 300 milyon junggo xelqining birleshken döletler teshkilatigha bolghan güzel tilikini bildüridu. Tinchliq longqisi jungxua milletlirining uzaq tarixi we hazirqi dewr medeniyitini namayen qilipla qalmastin, shundaqla oxshash bolmighan medeniyet we medeniyet almashturushtiki tejribilerni özara eynek qilip, keng qorsaqliq bilen muamile qilip, ortaq tereqqiy qilishni gewdilendüridu. Tinchliq longqisi junggoning we junggo xelqining tinchliq, tereqqiyat üstide izdinish we hemkarliqni ilgiri sürüsh, ortaq nep yetküzüsh arzusi we étiqadini bildürdi, bumu birleshken döletler teshkilati xartiyisining rohi. Birleshken döletler teshkilati yéngi on yilgha qarap qedem tashlawatqan peytte, biz dunyadiki her qaysi döletler bilen birge, birleshken döletler teshkilatining arzusini ishqa ashurush üchün dawamliq birlikte tirishchanliq körsitimiz.

ban kimon junggo hökümitining tinchliq longqisini teqdim qilghanliqigha minnetdarliq bildürdi. Ban kimon mundaq dédi: tinchliq longqisi junggoning birleshken döletler teshkilati bilen ortaq qimmet qarshi we yéqin hemkarliq munasiwitige wekillik qilidu. Men junggoning dunyaning tinchliqi we tereqqiyat ishliri üchün qoshqan töhpisige minnetdarliq bildürimen. Yéngi weziyette, birleshken döletler teshkilati junggo bilen ming yilliq tereqqiyat nishanini ishqa ashurush, yersharida namratliqni tügitish, kélimat özgirishge taqabil turush qatarliq sahelerdiki hemkarliqini kücheytishini xalaydu.

shi jinping bilen ban kimon sözini axirlashturghandin kéyin, tinchliq longqisining yopuqini birlikte achti.

tinchliq longqisi junggoning gheyriy maddiy medeniyet mirasliridin bolghan mistin yasalghan qacha quchilar hüner seniti bilen yasalghan bolup, "junggo qizili" asasliq reng qilinghan.

 

Kéyinkisi
图片新闻