Bash bet>>Xewer Merkizi>>Süretlik Xewerler

Shi jinping sérralion zungtungi koroma bilen körüshti

Tehrir:Ilham mamut     Menbesi:Junggo uyghurche radiyo tori     Yollan'ghan waqit: 2015-09-28

 

 

junggo uyghurche radiyo tori 28-séntebir béyjing xewiri:

dölet reisi shi jinping 27-séntebir nyuyorkta sérralion zungtungi koroma bilen körüshti.

shi jinping mundaq dep körsetti: ötken yili sérralion ilgiri körülüp baqmighan ébola yuqumigha yoluqti, junggo tunji waqitta zungtung koromaning murajiitige paal awaz qoshup, aldi bilen heriketke kélip, jiddiy yardem bérip, xelqara jemiyet üchün yétekchilik we ülgilik rol oynidi. Nöwette, junggo afriqidiki yuqum tarqalghan rayonidiki üch döletning iqtisadiy ijtimaiy ishlirini qaytidin qurush we ikki tereplimilik özara menpeet yetküzüsh hemkarliqigha yardem bérishtek bir yürüsh layihelerni békitti. 1-, dawalash sehiye hemkarliqini kücheytip, sérralionning ammiwiy sehiye késellikining aldini élish we kontirol qilish sistémisni ornitishi we mukemmelleshtürüshni qollap, gherbiy afriqa issiq belbagh rayoni késellikining aldini élish tetqiqat merkizini tézdin qurup, sérraliongha dawalash etritini ewetip, sérralionning iqtidar qurulushini kücheytishige yardem béridu. 2-, özara menpeet yetküzüsh hemkarliqini chongqurlashturup, sérralionning özige özi xoja bolghan imkaniyetlik sijil tereqqiy qilidighan sanaet sistémisini berpa qilishni qollap, ikki tereplik téxnika jehettin terbiyelesh kölimini kéngeytip, ul eslihe qurulushini tézlitidu. 3-, yéza-igilik, béliqchiliq kespi hemkarliqini kéngeytip, sérralionning ashliq bixeterlikige kapaletlik qilish sistémisni mukemmelleshtürüp, tebiiy kawchuk we shal tériqchiliqi, ashliq iskilati, déngiz okyanda béliq tutush, déhqanchiliq béliqchiliq mehsulatlirini pishshiqlap ishlesh qatarliq özara menpeet yetküzüsh hemkarliqini qanat yaydurup, sérralionning yéza-igilik kirimi bilen ishqa orunlishishni köpeytishige yardem béridu.

shi jinping mundaq dep körsetti: junggo afriqa hemkarliq munbiri bashliqlar yighini bu yil 12-ayning bashliri jenubiy afriqigha échilidu, junggo zungtung koromaning buninggha qatnishishni we bashliqlar yighinining muweppiqiyetlik échilishi üchün paal rol oynishini qarshi alidu.

koroma mundaq dédi: sérralion, junggo bilen bolghan munasiwitini awwalqidekla qoghdaydu we tereqqiy qilduridu, junggo bilen sehiye, ul eslihe qatarliq sahelerdiki hemkarliqini tereqqiy qildurushni kücheytip, ikki terepning köp tereplik ishlarda maslishishni qoyuqlashturidu.

Aldinqisi
Kéyinkisi
图片新闻