Bash bet>>Xewer Merkizi>>Süretlik Xewerler

Shi jinping birleshken döletler teshkilati yighinining adettiki munaziriside muhim söz qildi

Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2015-09-29

 

junggo uyghurche radiyo tori 29-séntebir béyjing xewiri:

dölet reisi shi jinping tünügün niyuyorktiki birleshken döletler teshkilatining bash orginida birleshken döletler teshkilati 70-nöwetlik yighinining adettiki munazirisige qatnashti hem "hemkarliship teng alidighan yéngi shériklerni birlikte berpa qilip, bir niyette insaniyet teqdirdash ortaq gewdisini qurup chiqayli" dégen témida muhim söz qildi. Shi jinping mundaq dep körsetti: 3-séntebir junggo xelqi dunya xelqi bilen birlikte, junggo xelqining yapon basqunchilirigha qarshi urushi we dunya fashizmgha qarshi urush ghelibisining 70 yilliqini daghdughiliq xatirilidi. Tarixni eslesh-adawetni dawamlashturush emes, belki buningdin birlikte ibret élish. Tarixqa warisliq qilish-ötmüshni murekkepleshtürüsh emes, belki kélechekni yaritip, tinchliqning meshilini ewladmu-ewlad yetküzüsh. (chawak) shi jinping munularni tekitlidi: yéngi tarixiy bashlinish nuqtisida, birleshken döletler teshkilati 21-esirde dunyaning tinchliqi we tereqqiyatidin ibaret bu muhim témigha qandaq qilip téximu yaxshi jawab bérish heqqide chongqur oylinishi kérek. Chong döletler bir-biri bilen toqunushmasliqi, qarshilashmasliqi, öz ara hörmetlep, hemkarliship teng nep élishi lazim. Chong döletler bilen kichik döletler barawer muamile qilip, toghra heqqaniyet, menpeet qarishini emeliyettin ötküzüp, heqqaniyet bilen menpeetke teng ehmiyet bérip, heqqaniyetni menpeetning üstige qoyushi kérek. (chawak) shi jinping mundaq dep körsetti: biz adil, heqqaniy, ortaq qurup, ortaq behrimen bolidighan bixeterlik endizisini berpa qilishimiz; Biz échiwétishte yéngiliq yaritish, keng qorsaq bolup öz ara nep yetküzüshning tereqqiyat istiqbali üstide izdinip, körünmes qol bilen körgili bolidighan qoldin yaxshi paydilinip, bazarning roli bilen hökümetning rolini organik birleshtürüp, öz ara ilgiri sürüp, ünüm bilen adilliqqa teng ehmiyet béridighan qéliplashqan endizini ornitishimiz lazim. Bügünki dunyada yenila 800 milyon adem kök namratliq ichide yashimaqta, her yili alte milyongha yéqin bala besh yashqa kirmeyla hayatidin ayrilmaqta, 60 milyongha yéqin bala oqushsiz qalmaqta. Emdila yépilghan birleshken döletler teshkilati tereqqiyat bashliqlar yighinida 2015-yilidin kéyinki tereqqiyat qaralmisi tüzüp chiqildi. Biz wedimizni heriketke aylandurup, hemme adem namratliqta yashimaydighan, tereqqiy qilidighan, izzet-hörmettin behrimen bolidighan parlaq istiqbalni birlikte yaritishimiz kérek. (chawak) shi jinping mundaq dédi: medeniyetler otturisida sözlishishimiz, chetke qaqmasliqimiz; Almashturushimiz, ornigha dessetmeslikimiz lazim. Xelqara jemiyet yer shari ékologiyelik medeniyet qurulushi yoli üstide birlikte izdinishi kérek. Bu jehette, junggo qol qoshturup qarap turmay, özining töhpisini dawamliq qoshidu. Shuning bilen bille, biz tereqqiy tapqan döletlerni tarixiy mesuliyitini üstige élip, bulghima azaytish wedisini neqleshtürüsh hem tereqqiy qiliwatqan döletlerning bulghima azaytish hem kilimat özgirishige taqabil turushigha yardem bérishke dewet qilimiz. (chawak)

shi jinping munularni tekitlidi: bir milyart 300 milyondin artuq junggo xelqi jungxua milletlirining ulugh güllinishidiki junggo arzusini ishqa ashurush üchün küresh qilmaqta, meyli xelqara weziyette qandaq özgirish bolsun, meyli özini qandaq tereqqiy qildursun, junggo menggü zomiger bolmaydu, menggü kéngeymichilik qilmaydu, menggü tesir dairisi üstide izdenmeydu. (chawak) junggo yer shari tereqqiyatigha bashtin-axir töhpe qoshup, ortaq tereqqiyat yolida méngishta ching turidu, her qaysi döletlerning junggo tereqqiyatining poyizigha olturup, ortaq tereqqiyatni birlikte ishqa ashurushini qarshi alidu. (chawak) shi jinping mundaq dédi: junggo-birleshken döletler teshkilati xartiyesige tunji bolup imza qoyghan dölet, junggo birleshken döletler teshkilati xartiyesining bash meqsiti hem pirinsipini yadro qilghan xelqara tertip we xelqara sistémini bashtin-axir qoghdaydu, junggo tereqqiy qiliwatqan döletler bilen dawamliq bir septe turup, tereqqiy qiliwatqan döletler, bolupmu afriqa döletlirining xelqarani tertipke sélish sistémisidiki wekillik xaraktéri hem söz hoquqini kücheytishni qetiy qollaydu. (chawak) junggoning birleshken döletler teshkilatidiki bir béliti menggü tereqqiy qiliwatqan döletlerge mensup bolidu. (chawak)

 

Kéyinkisi
图片新闻