Bash bet>>Xewer Merkizi>>Süretlik Xewerler

Shi jinping iran zungtungi rohani bilen körüshti

Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-09-29

 

junggo uyghurche radiyo tori 29-séntebir béyjing xewiri:

dölet reisi shi jinping tünügün nyoyorkta iran zungtungi rohani bilen körüshti. Shi jinping mundaq dep körsetti: junggo iran bilen bolghan munasiwitini rawajlandurushqa yüksek ehmiyet béridu, 40 nechche yildin buyan junggo bilen iranning dostluq we hemkarliq asasi mustehkem bolup keldi. Yéqinda iran iranning yadro mesilisi boyiche alte dölet bilen omumyüzlük kélishim imzalidi. Kélishim ijra qilinghandin kéyin, iranning tashqi hemkarliqi téximu köp pursetke ige bolidu, junggo bilen iranning munasiwitimu yéngi tereqqiyat pursitige ige bolidu. Biz iran bilen bille nöwettiki pursetni ching tutup, ikki tereplik munasiwet we emeliy hemkarliq sewiyesini dawamliq östürüshni xalaymiz. Rohani mundaq dédi: iran junggo bilen bolghan dostluq munasiwitini qedirleydu, yéngi weziyette junggo bilen yuqiri qatlamdikiler alaqisini qoyuqlashturup, iqtisad soda, énérgiye qatarliq sahelerdiki uzaq muddetlik istratégiyelik hemkarliqni chongqurlashturup, ikki tereplik munasiwetning dawamliq rawajlinishigha türtke bolushni xalaydu. Her qaysi tereplerning ortaq tirishchanliq körsitishi arqisida, iranning yadro söhbitide zor netijiler qolgha keltürüldi, bu her qaysi tereplerning ortaq menpeetige uyghun bolupla qalmastin, yene öz nöwitide iranning her qaysi terepler bilen bolghan hemkarliqini kéngeytishige purset yaritip berdi. Iran her qaysi terepler bille iranning yadro mesilisi heqqidiki omumyüzlük kélishimning emeliylishishige heqiqiy kapaletlik qilishni xalaydu.

 

Kéyinkisi
图片新闻