Bash bet>>Xewer Merkizi>>Süretlik Xewerler

Shi jinping asasiy qatlamdin kelgen 13 milletler ittipaqliqi munewwer wekili bilen körüshti

Tehrir:Osmanjan yüsüp     Menbesi:Junggo uyghurche radiyo tori     Yollan'ghan waqit: 2015-10-01

 

junggo uyghurche radiyo tori 1-öktebir béyjing xewiri:

jungxua xelq jumhuriyiti qurulghanliqining 66 yilliqi harpisida, junggo kompartiyesi merkiziy komitétining bash shujisi, dölet reisi, junggo merkiziy herbiy ishlar komitétining reisi shi jinping ichki mongghul, guangshi, shizang, ningshya, shinjangdin ibaret besh aptonom rayondiki asasiy qatlamdin kelgen 13 milletler ittipaqliqi munewwer wekilini béyjinggha kélip dölet bayrimini tebriklesh paaliyitige qatnishishqa alahide teklip qildi.

jungxua xelq jumhuriyiti qurulghanliqining 66 yilliqi harpisida, j k p merkiziy komitétining bash shujisi, dölet reisi, merkiziy herbiy komitétning reisi shi jinping ichki mongghul, guangshi, shizang, ningshya, shinjangdin ibaret besh aptonom rayondiki asasiy qatlamdin kelgen milletler ittipaqliqining munewwer 13 wekilini béyjinggha kélip, dölet bayrimini tebriklesh paaliyitige qatnishishqa alahide teklip qildi. 30- séntebir chüshtin kéyin, shi jinping xelq sariyida ular bilen semimiy körüshti hem xatire süretke chüshti.

chüshtin kéyin, béyjing waqti saet 5 etrapida, xelq sariyining shinjang zali qizghin keypiyatqa chömdi. Shi jinpingning bu yerde saqlap turghanliqini körüp, 13 wekil hayajanliqidin bash shujini chöridep, öz yürtidiki özgirish, turmush we xizmet ehwalini bes- beste tonushturdi. Shi jinping wekiller bilen bir- birlep körüshüp, semimiy söhbetleshti. Shi jinping mundaq dédi: köpchilikni körüp intayin xush boldum. Yéqinda xanayshem enwer bilen méhrigül enwer acha- singillar ewetken xet we "bir niyette junggo arzusini ishqa ashurayli" dégen ramkiliq keshtini tapshuruwaldim. Ikkinglar uni keshtileshke xéli köp ejir qilipsiler; Yazghan xétinglardin semimiylik chiqip turuptu, shinjang yéziliridiki körünerlik özgirish, uyghur qérindashlarning wetenni, milletler ittipaqliqini qizghin söyidighanliqi eks ettürülüptu. Yéqinda élimizde kishini xushal qilidighan ishlar köp boldi. Bir nechche kündin buyan, bayram ötküzüp kéliwatimiz, tawuz chaghinini ötküzüp bolushimizgha dölet bayrimi keldi. Yéqinda shizang aptonom rayoni qurulghanliqining 50 yilliqini tebrikligeniduq. Bir nechche kündin béri, merkez wekiller ömiki shinjangdiki her millet xelq bilen bille, shinjang uyghur aptonom rayoni qurulghanliqining 60 yilliqini tebriklewatidu. Men silerni béyjinggha kélip, dölet bayrimini tebriklesh paaliyitige qatniship, ulugh wtinimizning tughulghan künini birlikte tebrikleshke alahide teklip qildim.

shi jinping mundaq dédi: köpchilik élimizdiki besh aptonom rayondiki oxshashmighan millet, oxshashmighan ish ornidin keldinglar, hemminglar öz ehwalinglarni tonushturdunglar, anglap intayin tesirlendim. Hemminglargha ortaq alahidilik shuki, hemminglar milletler ittipaqliqi- tereqqiyati ishlirigha paal özünglarni béghishlapsiler, qilghan ishinglar kishini intayin tesirlendüridu, qoshqan töhpenglar intayin gewdilik iken. Mushu pursettin paydilinip, silerdin shundaqla siler arqiliq, yurtdashliringlardin, pütün memlikettiki 56 millettin bolghan qérindashlardin bayramliq hal soraymen we ulargha aliy tilek tileymen.

shi jinping munularni tekitlidi: élimiz birlikke kelgen köp milletlik dölet. Milletlerning köp menbelik, bir gewdilik bolushi ejdadlirimiz bizge qaldurghan qimmetlik bayliq hem dölitimizning muhim ewzelliki. Élimizdiki her millet xelq jungxua xelq jumhuriyitini birlikte qurup, jungxua millitining shekillinishi we tereqqiyati üchün körünerlik töhpe qoshti. Partiye merkiziy komitéti az sanliq milletler xizmiti we az sanliq millet rayonlirining tereqqiyatigha ezeldin ehmiyet bérip kelmekte. Partiye 18- qurultiyidin kéyin, hazirqi we buningdin kéyinki bir mezgillik az sanliq milletler xizmitining muhim fangjéni we istratégiyelik wezipisini aydinglashturup, bir qatar siyaset, tedbirlerni tüzüp chiqtuq. Men: "omumyüzlük halliq jemiyet berpa qilishta, bir millet kem qalsa bolmaydu" dep köp qétim tekitlidim. Merkezning az sanliq milletler xizmiti, namratliqtin qutuldurush xizmitige mushundaq ehmiyet bérishtiki meqsiti, az sanliq milletler rayonidiki ittipaqliq, muqimliqni téximu yaxshi qoghdap, az sanliq milletler rayonining tereqqiyatini téximu tézlitip, her millet xelqning eqil- parasiti we küch- qudritini téximu ching mujessemlep, her millet xelqi birlikte jungxua millitining ulugh güllinishidin ibaret junggo arzusini ishqa ashurushtin ibaret.

shi jinping mundaq dédi: jungxua milletliri bir aile kishiliridek inaq ötüp, junggo arzusini bir niyette ortaq ishqa ashurush - pütkül jungxua perzentlirining ortaq arzusi hem memlikettiki her millet xelqining ortaq nishani. Bu arzu we nishangha yétish - memlikettiki her millet xelqining büyük ittipaqliq küchidin ayrilalmaydu. Élimizdiki 56 millet jungxua milletliri chong ailisining barawer ezasi, öz ara birleshken, bir- biridin ayrilalmaydighan jungxua millitining teqdirdash ortaq gewdisini birlikte qurup chiqish kérek. Jungxua millitining ulugh güllinishidin ibaret junggo arzusini ishqa ashurush her millet xelqining ortaq arzusi, shundaqla biz her millet xelqining öz arzuyimiz. Junggo kommunisitik partiyesi her millet xelqni ittipaqlashturup we yéteklep, jungxua milletlirining ulugh güllinishini ishqa ashuridu, xelqni téximu bextilik turmushqa érishtüridu. Milletler ittipaqliqi her millet xelqning jan tomuri. Kémining küchi yelkenge, ademning küchi niyetke baghliq. Milletler ittipaqliqi xizmitini ishleshning muhim nuqtisi sirdishish bolup, ishengenge ishinip, semimiyliki bilen köngülni utush kérek. Her millet qérindashlar inaq- ittipaq ötüp, öz ara yardem bérip, milletler ittipaqliqi, wetenning birlikini birlikte qoghdishi kérek. Köpchilik heriketke kélip, héssiyat almashturush, yétildürüsh, birleshtürüsh xizmitini birlikte ishlep, her millet amma bille yashash, bille öginish, bille ishlesh, bille köngül échishtek ijtimaiy sharaitini tiriship hazirlap, her millet ammining ulugh weten, jungxua milliti, jungxua medeniyiti, junggo kommunistik partiyesi, junggoche sotsiyalizmgha bolghan tonushini kücheytip, ulugh ghayini ishqa ashurush üchün küresh qilishi kérek.

milletler ittipaqliqining munewwer 13 wekili: ichki mongghuldin kelgen mongghul wekil oyun soyul; Guangshidin kelgen juangzu wekil du lichün; Shizangdin kelgen zangzu wekil gésang wangjyu, gésang joga, byenba, beyma yangjin we xenzu wekil sung yügang; Ningshyadin kelgen xuyzu wekil chin wénbo; Shinjangdin kelgen wekil xanayshem enwer, méhrigül enwer, memetturap musaq, qazaq wekil jumatay awbekr we xenzu wekil yu lyangyingdin ibaret. Ular emeliy herikiti arqiliq milletler ittipaqliqini ilgiri sürüsh, wetenning birlikini qoghdash üchün, özige xas töhpe qoshti, beziliri yurtdashlarni namratliqtin qutulushqa yéteklidi we bashlamchiliq qildi, beziliri uzaqtin buyan, japaliq rayonlarda mewqeni öz xizmitige qoyup, xals töhpe qoshti, beziliri yer tewreshke taqabil turush, apettin qutquzush jeryanida gewdilik töhpe qoshti.

wekiller bash shujining qobul qilishigha muyesser bolup hem uning sözini anglap, intayin hayajanlandi, ich- ichidin xushal boldi. Köpchilik munularni bildürüshti: wetinimizning qurulghan künini tebriklesh harpisida, bash shuji pütün memlikettiki her millet xelq, bolupmu az sanliq millet qérindashlarni yad etti. Aptonom rayon weten chong ailisining bir ezasi, memlikettiki her millet xelqi bir aile kishiliri. Bash shujining tapshuruqini ésimizde ching tutup, yurtimiz we wetinimizni téximu yaxshi qurup chiqimiz. Wekil xanayshem enwer hayajanlanghan halda mundaq dédi: acha- singil ikkimiz ikki ay serp qilip, "junggo arzusini bir niyette ishqa ashurayli" dégen ramkiliq keshtini ishlesh arqiliq, shinjangdiki her millet xelqning bash shujigha bolghan hörmiti we junggo arzusini ishqa ashurush arzusi we gheyritini namayan qilishni meqset qilghan. Bash shujining acha- singil ikkimizni béyjinggha dölet bayrimini tebriklesh paaliyitige qatnishishqa alahide teklip qilishni oylapmu baqmighaniduq. Bu, hayatimizdiki eng chong sherep. Kenttikler bash shujining biz bilen körüshidighanliqini anglap, özlirining ornida bash shuji bilen qol éliship körüshüshimizni tapilidi. Ramkiliq keshtini tikkendek, emeliy herikitimiz bilen yoldash shi jinping bash shujiliqidiki partiye merkiziy komitéti rehberlikide her millet xelqining zich ittipaqliship, ulugh wetinimizning güllinip, ronaq tapqan güzel menzirisini keshtilep chiqimiz.

Kéyinkisi
图片新闻