junggo uyghurche radiyo tori 30-may béyjing xewiri:
j k p merkiziy komitét siyasiy biyurosi daimiy komitétining ezasi, merkiziy siyasiy - qanun komitétining Sékrétari ju yungkang 29-may chüshtin burun béyjing "shinbawli" sariyigha bérip, bu yerde ötküzüliwatqan "junggogha muhebbet − shinjang may boyaq resimliri memliket sepiri"ning béyjingdiki körgezmisini kördi.
dölet komissari, qoshumche Dölet ishliri mehkimisining Bash katipi ma key, aptonom rayonluq partkomning Sékrétari jang chünshyen, aptonom rayonluq partkomning muawin sékrétari, aptonom rayonning reisi nur bekri, aptonom rayonluq partkomning muawin sékrétari, bingtüenning siyasiy komissari ché jün körgezmini birlikte kördi.
shinjang uyghur aptonom rayonluq partkom teshwiqat bölümi, junggo "bawli" guruhi shirkiti, "sumurgh" süniy hemrah téléwiziye istansisi pay kontrol cheklik shirkiti birlikte uyushturghan "junggogha muhebbet − shinjang may boyaq resimliri memliket sepiri" seyyare közgezmisige 140 nechche parche may boyaq resim qoyulghan bolup, guangju, shangxey, ürümchi qatarliq sheherlerde seyyare körgezme qilinghandin kéyin, 20-may béyjingda körgezme qilindi, arqidin yene amérika, yawropadiki döletler we yaponiye, shyanggang qatarliq dölet we rayonlarda seyyare körgezme qilinidu.
béyjing waqti saet 11de, ju yungkang körgezme zaligha kirip ustiliq bilen sizilghan may boyaq resimlirini kördi. "junggogha muhebbet − shinjang may boyaq resimliri memliket sepiri" paaliyiti bultur awghustta bashlanghandin buyan, shinjang we ichkiri ölkilerdiki 80din artuq ressam tengritaghning jenubi we shimaligha bérip, yette ayda 10 ming chaqirimdek yol yürüp, güzel, janliq resimlerni sizip chiqti. Ularning sizghan resimliride shinjangning heywetlik, güzel tebiiy menziriliri, sap we heqiqiy milliy örp - adetliri, renggareng tarixiy medeniyeti namayan qilinghan yaki her millet ammining naxsha éytip, ussul oynawatqan shad - xoramliqqa chömgen ehwalliri yaki déhqan-charwichilarning emgek qiliwatqanliqi we xatirjem turmush kechürüwatqanliqi teswirlengen...
ju yungkang her bir eserni estayidil kördi, resim aptorliri we chüshendürgüchi bilen semimiy pikirleshti, eserni ijad qilishtiki tesewwur, eser mezmuni, ijadiyet jeryanini tepsiliy soridi, shinjang bilen ichkiri ölkilerning senet alaqisi ehwalini igilidi.
uyghur ressam abdukérim nesirdin bilen qazaq ressam aman muqanof yéngi junggo terbiyelep yétishtürgen 1 - ewlad az sanliq millet munewwer ressamliridur. Ular ju yungkanggha yéngi ijadiyetlirini tonushturdi. Ju yungkang bu péshqedem ressamlarning senet jehettiki muweppeqiyetlirini qutluqlidi, ularning shinjangning milletler ittipaqliqi we xelqning güzel turmushini medhiyeleshke töhpe qoshqanliqigha teshekkür éytti we ularning ijadiyet hayatiy küchini menggü saqlishini ümid qildi.
bu qétimqi resim körgezmiside nurghun yash ressamning eserlirimu körgezme qilindi. 36 yashliq nurmuhemmet hélimaxun resim körgezmisige qatnashqanlar ichidiki eng yash ressam bolup, körgezmige "yurtum menzirisi" namliq chatma may boyaq esirini qatnashturghanidi.
körgezmini uyushturghuchi terepning mesuli tonushturup mundaq dédi: bu resimler her qaysi jaylarda körgezme qilinip, köpchilikning yaxshi bahasigha érishti, körürmenler senettin behrilinish bilen bille, tereqqiyat, özgirish jeryanidiki shinjangni téximu obdan chüshendi.
ju yungkang tekitlep mundaq dédi: merkez shinjang xizmiti söhbet yighini échilghan ikki yildin buyan, yoldash xu jintaw bash Sékrétarliqidiki partiye merkiziy komitétining rehberlikide shinjangda keng kölemde qurush, keng kölemde échiwétish, keng kölemde tereqqiy qilish dolquni kötürülüp, kishini rohlanduridighan özgirishler bolmaqta. Bu, edebiyat - senet xizmetchilirini tügimes ijadiyet heriketlendürgüch küchi we ilham buliqi bilen temin etti. Shinjang we ichkiri ölkilerdiki senetchiler xelqni merkez qilish ijadiyet yétekchilikini ching igilep, shinjangning qaynaq emeliy turmushigha chöküp, shinjangdiki her millet kadirlar, ammining ittipaqliship küresh qilghanliqi, shinjanggha nishanliq yardem béridighan ölke, sheherlerdiki kadir, ishchi - xizmetchilerning xalis töhpe qoshqanliqi, tengritaghning jenub we shimalida alemshumul özgirishlerning boluwatqanliqi eks ettürülgen munewwer edebiyat - senet eserlirini tiriship ijad qilip, téximu köp kishini shinjangni chüshinish, shinjangni söyüsh imkaniyitige ige qilip, téximu köp kishini shinjanggha kélishke, shinjangni qurushqa ilhamlandurup, shinjangning halqima tereqqiyati we uzaq eminlikini ortaq ilgiri sürüp, jungxua milletlirining güzel yurt - makanini ortaq qurup chiqishi kérek.
shinjang uyghur aptonom rayoni we bingtüen rehberliridin xuang wéy, xu wéy, lyu shinchi qatarliqlar körgezmini kördi.
