junggo uyghurche radiyo tori béyjing 6-féwral xewiri:
maarip ministirliqi qatarliq orunlar yéqinda élimiz yéza oqughuchilirining ozuqluqini yaxshilash pilanining ehwalini élan qildi: nöwette, memliket boyiche 699 döletning nuqtiliq nahiyesidiki 100 minggha yéqin mektepte ashxana tesis qilinip, 22 milyon 400 ming oqughuchi buningdin nepke érishmekte.
maarip ministirliqining uqturushigha qarighanda, 2011-yilliq küzlük oqush mewsümidin bashlap, dölet tutash ketken alahide namrat rayonlarda yéza mejburiyet maaripidiki oqughuchilarning ozuqluqini yaxshilash pilanini yolgha qoyghan. 2013-yili 10-ayning axirigha qeder, memliket boyiche 22 sinaq ölkidiki 699 sinaq nahiye jümlidin shinjang ishlepchiqirish qurulush bingtüendiki 19 polik meydanda 100 minggha yéqin mektep mektep ashxanisi tesis qilghan, buningdin 22 milyon 400 ming oqughuchi nepke érishken.
bir qisim xelqaraliq teshkilatlar dölitimizning yéza oqughuchilirining ozuqluqini yaxshilash pilanigha ijabiy baha bérip, junggo hökümitining nahayiti qisqa waqit ichide oqughuchilarning ozuqluqini yaxshilash pilanini namrat yéza rayonliridiki mejburiyet maaripi basquchidiki 20 milyondin artuq oqughuchi arisida omumlashturghanliqidin nahayiti heyran qalduq, dunyadiki 90 din artuq mektepler tamaq teminleydighan dölet bilen sélishturghanda, junggo hökümitining türi özgiche ewzellikke ige iken, dep hésablighan.
