junggo uyghurche radiyo tori 20-féwral béyjing Xewiri:
dölet reisi shi jinping tünügün xelq sariyida pakistan Prézidénti höseyin bilen söhbetleshti. Ikki dölet bashliqi junggo bilen pakistanning eneniwi dostluqini birlikte yaxshi qoghdap, yaxshi tereqqiy qildurup, junggo bilen pakistanning eneniwi dostluqini téximu emeliy hemkarliq netijilirige aylandurushni birdek qarar qildi.
1-, yuqiri qatlamdikilerning alaqisi we istratégiyelik almashturushini saqlap we qoyuqlashturup, bir-birining yadroluq menpeetige chétilidighan we köngül bölüdighan zor mesililerdiki öz-ara qetiy qollashni dawamlashturush.
2-, ikki dölet tereqqiyatining istratégiyesige birleshtürüp, iqtisadi, siyasiy jehettiki maslishishni kücheytip, iqtisadi hemkarliq sewiyesini östürüsh. Ikki terep junggo bilen pakistanning iqtisad karidori qurulushini puxta ilgiri sürüp, guadar porti, qaraqurum tash yoli, karachi- lahor yuqiri süretlik tash yoli qatarliq yétekchi türlerni yaxshi qilip, ikki döletning énérgiye, qatnash ul esliheliri, sanaet baghche rayoni qatarliq sahelerdiki hemkarliqigha türtke bolup, yipek yoli iqtisadi belbéghi we 21-esirdiki déngiz yipek yoli qurulushini ilgiri süridu. Ikki terep 2-basquchtiki junggo pakistan erkin soda rayoni söhbitini tézlitip, ikki dölet sodisining tengpung éshishigha türtke bolidu. Junggo hökümiti junggo karxanilirining pakistangha bérip meblegh sélip, igilikni güllendürüshige ilham béridu.
3-, mudapie ishliri we bixeterlik hemkarliqini kücheytip, üch xil küchlerge ortaq zerbe béridu. Rayon tinchliqi, muqimliqi, bixeterlikini qoghdaydu. Junggo pakistanning térrorizmgha zerbe bérish yolidiki tirishchanliqigha apirin éytidu we uni qollaydu. Pakistan sherqi türkistan islam herikitini öz ichige alghan térrorchi küchlerge dawamliq zerbe béridu, pakistan junggo puqraliri we karxanilirining bixeterlikini heqiqiy qoghdash heqqide wede béridu.
4-, medeniyet almashturushini kücheytidu.
5-, zor xelqara we rayon mesililiridiki almashturush we hemkarliqni kücheytidu.
shi jinping mundaq dédi: etraptiki döletler bilen bolghan inaq qoshnidarchiliq dostluq munasiwetni rawajlandurush-junggoning etrap diplomatiyesidiki izchil fangjéni. Junggo pakistan bilen hindistanning tinchliqni ishqa ashurushigha medet béridu, pakistanning pakistan bilen hindistan munasiwitini peseytish yolidiki tirishchanliqigha apirin éytidu.
söhbettin kéyin, ikki dölet bashliqliri junggo bilen pakistan iqtisad karidori birleshme komitétining 2-qétimliq yighinigha qatnashqan wekiller bilen körüshti hemde yighin xatirisi qatarliq höjjetlerni imzalashqa shahit boldi.
ikki terep "jungxua xelq jumhuriyiti bilen pakistan islam jumhuriyitining junggo pakistan isratégiyesi we iqtisadi hemkarliqini chongqurlashturush toghrisidiki birleshme bayanatni" élan qildi.
