Bash bet>>Xewer Merkizi>>herbiy ishlar
Bash shujining yéza igiliki, yéza we déhqanlar ishlirida basqan qedimini boylap
Tehrir:Patigül muhemmet     Menbesi:Junggo uyghurche radiyo tori     Yollan'ghan waqit: 2019-09-04

 

junggo uyghurche radiyo tori 10-öktebir béyjing xewiri:

2015-yili chaghan harpisida bash shuji shi jinping buningdin 40 yil ilgiri chéniqishta turghan shimaliy shenshi yenchüen nahiyesi lyangjyaxé kentige keldi. Bash shuji özige tonushluq her bir nersini körgende yurtdashlarning qolini tutup: men kishilik turmushning birinchi qedimini lyangjyaxé kentidin bashlighan, 7 yil jeryanida lyangjyaxédiki yurtdashlar manga yéqindin köyündi, men buni bir ömür unutmaymen dédi.

partiye 19-qurultiyi échilish aldida, muxbir bash shujining yéza igilik,yéza we déhqanlar ishliri üchün basqan qedemlirini boylap, birinchi béket ــ shimaliy shenshi égizliki tagh oymanliqigha jaylashqan lyang jyaxé kentige kélip, yéza asasi qatlimida yüz bergen yéngi özgirishlerni ziyaret qildi.

9-ay kirip qalghinigha qarimay jenubta yenila tomuz issiq boluwatatti, lékin shimaliy shenshi égizliki alliqachan küz tüsige kirgen idi, yüzge urulghan shamaldin küzning deslepki soghuqini hés qilghili bolatti.

lyangjyaxé kenti yenen shehiri yenchüen nahiyesi wénenyi bazirining sherqiy jenubigha besh kilométir kélidighan jaygha jaylashqan bolup, shenbéy égizlikidiki nurghun tagh jiralar bilen orulup turidu, 1969-yili 1-aydin 1975-yili 10-ayghiche shi jinping bu yerde yette yil turup xizmet qildi, uning yéza igiliki, yéza we déhqanlargha rishte baghlighan kishilik hayatimu mushu yerdin bashlanghan.

70 yashliq kent ahalisi jang wéypangning öyide bir parche kona söret qoyup qoyulghan bolup, uningda shi jinpingning lyangjyaxédiki yashliq hayati xatirilengen idi, jang wéypang eyni chaghni eslep: u chaghlarda sharait intayin nachar idi, emma shi jinping turalghu we yémek-ichmek tallimaytti, öginishke hérismen, japagha chidamliq idi, shunga 21 yéshidila toluq awaz bilen lyangjéyaxédiki chong etretning shujisi bolup saylanghan idi, buni adettiki kishiler tesewwur qilalmaydu.

lyangjyaxé kent ahalisi, etretning sabiq yachéyka shujisi shi chünyang muxbirgha mundaq dédi: shi jinping eyni chaghdiki kent etritining shujisi bolush süpiti bilen künde qandaq qilip lyangjyaxé kentini özgertish, kent ahalilirni yaxshi künge ige qilish üstide bash qaturatti. Eyni chaghda sharaitimiz nachar idi, kentning ishlepchiqirishi asasen tebietke tayinatti, shi jinping ammini bashlap chong quduq qézip, bu quduqtin su tartip, qurghaq yerlerni sughurdi, shi jinping gézittin sichüen yézilirining patqaq gazini tereqqiy qildurghanliqini körüp, shexsen özi pul chiqirip, myenyanggha bérip téxnika öginip kentimizge qaytip kelgendin kéyin shenshidiki tunji patqaq gazi kölchikini achti.

lyangjyaxédiki etrette turghan 7 yil ichide shi jinping öz herikiti arqiliq ülge bolup, kent ahalilirige yétekchilik qilip, lyangjyaxé kentini tedrijiy saghlam tereqqiyat yoligha kirgüzdi, yurtdashlar uni hörmet qildi, uninggha ishendi.

2015-yili 2-ayda bash shuji shi jinping lyangjyaxé kentide tekshürüshte bolghanda chongqur hayajan bilen mundaq dédi: junggo eng namrat zamanlarda ketmen chépip, emgek qilip ötküzgen ashu japaliq künler manga némining emeliyet, némining heqiqetni emeliyettin izdesh ikenlikini, némining amma ikenlikini ögetti, ashu tawlinishlar manga xelq ammisining küchini, xelq ammisining négizini körsitip berdi, men puqralarni, jemiyetni heqiqiy chüshendim, mana bu eng négizlik mesile.

emeliyetchil bolush, ishchan bolush, ittipaq bolush, jasaret bilen ilgirilesh, elni söyüsh ــ lyangjyaxé kentining rohi ,bu roh kéyin barghanséri köp kishilerge tesir körsetti.

ötken yili lyangjyaxé kentidikilerning kishi béshi sap kirimi 9600 yüenge yetti, bügünki künde lyangjyaxé kentining almisi, tériqi dangliq markigha aylinip, pütün memliketning herqaysi jaylirida sétildi, lyangjyaxéning yéza qishlaq sayahitimu kentning yéngi tayanch kespige aylandi.

bügünki künde junggoning islahat, échiwétish musapisige egiship, lyangjyaxédin ibaret bu kichikkine taghliq kent ilgiriki eneniwiy déhqanchiliq tériqchiliq turmushigha xatime berdi, kentke asfalit yollar yasaldi, kiyinish, toyunush mesilisidin bashqa yene yurtdashlar pish xishliq öylerge köchüp kirdi, öylirige tor ulidi, yashanghanlar asasi kütünüshtin behrimen boldi, balilar yaxshi maariptin behrimen boldi, xuddi bash shuji shi jinping éytqandaq lyangjyaxédek bu kichikkine kentte bolghan özgirishler islahat, échiwétishtin buyanqi junggo jemiyitining tereqqiyat qedimining bir kartinisi.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene