Bash bet>>Xewer Merkizi>>herbiy ishlar
"anglang, bash shuji shi jinpingning sözlirini" - her qaysi döletler hembehirlinidighan ortaq makan berpa qilayli
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2019-09-04

 

junggo uyghurche radiyo tori 17-öktebir béyjing xewiri:

partiye 18-qurultiyidin buyan, yoldash shi jinping yadroluqidiki partiye merkiziy komitéti küchlük mesuliyet tuyghusi we burch tuyghusi bilen dewrning yüzlinishini pemlep, xelqning arzusigha béqip ish körüp, pütün partiye, pütün memlikettiki her millet xelqini algha ilgirilesh yolidiki qiyinchiliq we xirisqa paal taqabil turushqa yéteklep, islahat, tereqqiyat, omumluqqa türtke bolup, ichki ishlar, diplomatiye, dölet mudapiesi qatarliq sahelerde yipyéngi weziyet yaratti. "anglang, bash shuji shi jinpingning sözlirini" mawzuluq yürüshlük xewirimizde bash shuji shi jinpingning bir qatar muhim sözlirini, yoldash shi jinping yadroluqidiki partiye merkiziy komitétining döletni idare qilish, hakimiyet yürgüzüshtiki yéngi idiye, yéngi oy-pikir, yéngi istratégiyesining janliq emeliyiti we ulugh netijilirini eslep ötimiz. Bügün "her qaysi döletler hembehirlinidighan ortaq makan berpa qilayli" dégen 9-qismi diqqitinglarda bolidu:

bash shuji shi jinping 2013-yili ottura asiya we sherqiy jenubiy asiya ellirige ziyaretke barghanda, "bir belbagh, bir yol" teshebbusini otturigha qoydi, shuning bilen "yipek yoli"gha yéngi dewr mezmuni qoshuldi.
shi jinping mundaq dédi: yawropa-asiya döletlirining iqtisadiy alaqisini téximu qoyuqlashturush, özara hemkarliqini téximu chongqurlashturush, tereqqiyat boshluqini téximu kéngeytish üchün, biz yéngiliq yaritishchan hemkarliq qélipi arqiliq, yipek yoli iqtisad belbéghini birlikte qurup chiqip, nuqta arqiliq dairige yétekchilik qilip, liniye boyidin böleklergiche türtke bolup, rayonning keng hemkarliqini tedrijiy berpa qilishimiz kérek. Sherqiy jenubiy asiya rayoni ezeldin "déngiz yipek yoli"ning muhim tügini bolup kelgen, junggo sherqiy jenubiy asiya elliri ittipaqigha eza döletler bilen déngiz hemkarliqini kücheytip, déngiz-okyan hemkarliq shériklik munasiwitini rawajlandurup, 21-esir déngiz yipek yolini birlikte berpa qilishni xalaydu.

qedimiy yipek yoli yol boyidiki xelqqe néme üchün bext yaritalidi? Yipek yoli boyidiki döletler özara masliship, bir-birige nep yetküzüp, teng payda kördi. Junggoning tereqqiyati xelqara jemiyetning paydisidin bolghan, shunga junggo xelqara jemiyetni téximu köp ammiwiy mehsulatlar bilen teminleshni xalaydu.

shi jinping mundaq dédi: yipek yoli boyidiki her qaysi döletler bilen junggoning tereqqiyat pursitidin teng behrilinish, ortaq güllinish meqsitide bir belbagh, bir yol teshebbusini otturigha qoydum. Shuni körsitip ötmekchimenki, junggoning yéngi méxanizm, yéngi teshebbusni otturigha qoyushi öz aldigha ish qilishni meqset qilmaydu, bu héchkimge qaritilmighan, belki hazirqi xelqara méxanizmning paydiliq toluqlimisi we mukemmelleshtürülishi bolup, hemkarliship teng payda körüsh, ortaq tereqqiy qilishni nishan qilghan. Junggoning ishikni sirtqa échiwétishtin meqsiti öz aldigha ish körüsh emes, belki her qaysi tereplerning teng qatnishishini qarshi élish; Tesir dairisini kéngeytish üstide izdinish emes, belki her qaysi döletlerning ortaq tereqqiy qilishini qollash; Özining arqa hoylisini berpa qilish emes, belki her qaysi döletler hembehirlinidighan makan berpa qilish.

partiye 18-qurultiyidin buyan, bash shuji shi jinping meyli chetelge ziyaretke chiqqanda bolsun, yaki dölet ichidiki yighinlarda bolsun, "teng meslihetlishish, teng qurush, teng behrilinish"ni bashtin-axir "bir belbagh, bir yol" qurulushining tüp pirinsipi qildi. Bir belbagh, bir yol qurulushida siyasetni, yolni, sodini, pulni, el qelbini tutashturushtin ibaret besh jehettin nuqta arqiliq dairige yétekchilik qilinip, liniye boyidin böleklergiche türtke bolunup, bash shuji shi jinping teswirligen "rayonning keng hemkarliqi" tedrijiy berpa qilinmaqta.
shi jinping mundaq dédi: bir belbagh, bir yol qurulushi idiyedin tedrijiy halda heriketke, arzudin réalliqqa aylinip, mol netijiler qolgha keltürüldi. Bir belbagh, bir yol teshebbusi dewr éqimigha, tereqqiyat qanuniyitige, her qaysi dölet xelqining menpeetige uyghun, istiqbali parlaq. Junggoluqlarda: ishni bashlash qiyin deydighan söz bar. Bir belbagh, bir yol qurulushida puxta qedem bésildi. Biz pursettin paydilinip yuqiri örlep, weziyetke béqip ish körüp, bir belbagh, bir yol qurulushini muqim algha siljitip, téximu güzel kélechekke qarap qedem tashlayli.

dunya nahayiti chong, mesililer shundaq köp, xelqara jemiyet junggo sadasini, junggo layihesini kütmekte, junggoning orni bosh qalsa bolmaydu. Bir belbagh, bir yol qurulushi junggo dunyani tertipke sélishqa qatnishidighan muhim yol, hazirghiche, junggo dunyani eng muhim ammiwiy mehsulatlar bilen teminlidi. Bash shuji shi jinpingning köngül qoyup pilanlishi astida, bir belbagh, bir yol tereqqiyat dawamida üzlüksiz mukemmelishidu, hemkarliq dawamida üzlüksiz yétilidu.

shi jinping mundaq dédi: bir belbagh, bir yol qurulushi ulugh ish, shunga ulugh emeliyetke mohtaj. Biz bir qedem, bir qedemdin algha siljitip, az-azdin netije hasil qilip, dunyagha, xelqqe bext yaritayli!

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene