Bash bet>>Xewer Merkizi>>Dunyagha nezer
Hawa pakiz, téjeshlik bolghan bir nöwetlik qishliq olimpik musabiqisi ötküzüsh kérek
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2015-08-04

 

xelqara olimpik komitétining ezaliri 31-iyul ötküzülidighan 128-omumiy yighinda, 2022-yilliq qishliq olimpik musabiqisini ötküzidighan sheherge awaz bérip, axirida béyjing bilen almutaning birsini tallap chiqidu. Béyjing qishliq olimpik musabiqisini ötküzüshke iltimas qilish komitétining mutexessisliri 30-iyul eger iltimas muweppeqiyetlik bolsa, béyjing bilen jangjyaku bir nöwetlik hawa pakiz, téjeshlik bolghan qishliq olimpik musabiqisi ötküzidu dédi.

béyjing qishliq olimpik musabiqisini ötküzüshke iltimas qilish komitétining ezasi, muhit asrash ministiri fang li eger iltimas muweppeqiyetlik bolsa, 2022-yilidiki musabiqe mezgilide, biz choqum tenheriketchilerning pakiz hawada musabiqiliship, yaxshi netijini qolgha keltürüshige kapaletlik qilimiz dédi.

amma we hökümetning diqqet qilish derijisining örlishige egiship, béyjing yéqinqi yillardin buyan hawa süpitini dawamliq yaxshilidi. Fang li mundaq dédi: 2012-yili béyjing pakiz hawa heriket pilanini tüzüp chiqti. 2013-yilidin bashlap, öpkige kiridighan danichilar bizning hawa süpitini bahalishimizdiki nahayiti muhim körsetküchke aylandi. Béyjingning hawa süpiti yenimu östi, bu yilning aldinqi yérimida, öpkige kiridighan danichilarning otturiche qoyuqluqi bulturning oxshash mezgildikidin 15.2% azaydi.

tonushturulushiche, béyjing 2012-yilidin tartip, atmosféra bulghinishtin saqlinish, tüzeshni kücheytken. Fang li mundaq dédi: qurulmini tengshesh, qalaq ishlepchiqirish iqtidarini shallash arqiliq, biz her qaysi tereplerdin muhitni tüzeshni kücheyttuq. Mölcherimizche, 2017-yilighiche, öpkige kiridighan danichilarning yilliq otturiche qoyuqluqi 2012-yilidikidin 25% tin köprek aziyidu. 2022-yilighiche, béyjing we uning etrapidiki jaylarning hawa süpiti choqum hazirqidin köp yaxshi bolidu.

fang li tekitlep mundaq dédi: qishliq olimpik musabiqisi ötküzüshni iltimas qilish-béyjing-jangjyaku rayonining ékologiyelik muhitini téximu téz yaxshilap, ékologiye ölchimini téximu östürüp, ammining muhit asrashqa qatnishish derijisini téximu kücheytidu.

béyjing bilen jangjyaku 2022-yilliq qishliq olimpik musabiqisini ötküzüsh iltimasida, tenheriketchilerni merkez qilish, sijil tereqqiyat, téjeshlik ötküzüshtin ibaret üch chong qarashni otturigha qoydi. Béyjing qishliq olimpik musabiqisini ötküzüshni iltimas qilish komitéti maliye we bazar échish bölümining muawin bashliqi jushing mundaq dédi: biz 2008-yilliq béyjing olimpik musabiqisining mirasliridin toluq paydilinimiz, 12 olimpik meydan, sariyining on birini dawamliq ishletkili bolidu. Shuning bilen bille, béyjing-tyenjin-xébéyni bir gewdileshtürüp tereqqiy qildurushni oyliship, artuqche ul eslihelirini qurush chiqimini imkanqeder azaytimiz. Béyjing olimpik komitétining tejribisige asasen, sétiwélishning ornigha ijarige élish usuli arqiliq, eswab sétiwélish xamchotini 30% azaytimiz.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene