Bash bet>>Xewer Merkizi>>Dunyagha nezer
Nurghun döletletning neziri chawshenning yadro mesilisige aghduruldi
Tehrir:Ilham mamut     Menbesi:Junggo uyghurche radiyo tori     Yollan'ghan waqit: 2015-08-04

 

chawshyenning yadro mesilisi uzundin buyan xelqaraning béshini aghritip keldi, shundaqla amérikining asiya tinch okyan istratégiyesining yolgha qoyulishidiki asasliq seweb boldi, yéqinda iranning yadro mesilisi toghrisidiki kélishimning hasil qilinishigha egiship, nurghun döletletning neziri chawshenning yadro mesilisige aghduruldi.

chawshyenning yadro mesilisi toghrisidiki alte terep söhbitige qatnishidighan koréye, amérika we yaponiye wekiller ömeklirining muawin bashliqliri 31-iyul yaponiyening paytexti tokyoda söhbet ötküzdi. Iranning yadro mesilisi toghrisidiki söhbet ayaghliship uzun ötmeyla, xelqaraning neziri chawshyenning yadro mesilisige qaytidin chüshüp, diqqet qilinidighan muhim nuqtigha aylandi.

iranning yadro mesilisi toghrisidiki omumyüzlük kélishim hasil qilinghandin kiyin, amérika nezirini chawshyen yérim ariligha tikip, chawshyenning yadro mesilisige alaqidar alte döletning söhbitini qaytidin bashlash üstide izdinishke bashlidi.

amérika awazining xewer qilishiche: yéqinda chawshyenning yadro mesilisige alaqidar alte terep söhbitige qatnishidighan amérikining alahide elchisi sédniy séllér junggo we yaponiyening söhbetke qatnishidighan alaqidar emeldarliri bilen ayrim-ayrim uchriship, uzaq muddet bir yaqqa qayrip qoyulghan chawshyenning yadro mesilisini muzakire qilghan. Bu iranning yadro mesiliside kélishim hasil qilinghandin kiyin, amérikining mezkur rayonda ilip barghan yuqiri derijilik diplomatik ziyariti bolup hésablinidu.

27-iyul, sédniy séllér siyolda chawshyenning yadro mesilisi toghrisidiki söhbet ishikining chawshyenge échiwétilgenlikini, amérikining her waqit chawshyen bilen kélishim hasil qilishqa teyyar ikenlikini bildürgen.

iranning yadro mesilisi toghrisidiki omumyüzlük kélishim hasil qilinghan peytte, alaqidar mutexessisler bu qélipta chawshyenning yadro mesilisini hel qilish kérek dep körsetti. Taratqularning xewer qilishiche: amérika dölet ishliri mehkimisining söhbetke qatnishidighan bir xadimi, iranning yadro mesilisi toghrisidiki kélishimning chawshyenge qarita chawshyenning nöwettiki kirizis yolida oyliship ish qilishni ümid qilidighanliqini bildürdi.

koréye chawshyenning yadro meslisidimu ijabiy pozitsiye qollandi. Xewerlerge qarighanda, chawshyenning yadro mesilisi toghrisidiki alte terep söhbitige qatnishidighan koréye söhbet wekiller ömikining bashliqi 10-iyuldin 24- iyulghiche junggoda ziyarette bolup, junggo wekiller ömikining bashliqi wu dawiy qatarliq kishiler bilen körüshüp, junggoning chawshyenning yadro mesilisini téximu köp qollishini ümid qilghan.

junggo, koréye we yaponiyening bir qisim emeldarliri, chawshyenning yadro söhbitini qaytidin bashlashni ümid qilghan.

taratqularning tehlil qilishiche: bundin ilgiri amérika zéhni küchini iranning yadro mesilisini hel qilishqa qaytip, chawshyenning yadro mesilisige qaratqan istiratikiyelik sewrchanliqini siyaset déyishke bolmastin, bu chawshyenning yadro énérgiyesining téz tereqqiy qilishni keltürüp chiqardi. Nöwette, iranning yadro mesilisi toghrisidiki söhbet axirlashti, amérikining kuba bilen bolghan munasiwiti normallashti. Amérikining diqqitini chawshyenning yadro mesilisi toghrisidiki söhbetke qaritishi zörür tallash bolup hésablinidu.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene