Bash bet>>Xewer Merkizi>>Dunyagha nezer
Israiliyede yehudi esebiy teshkilatlar yéngiliq hésablanmaydu
Tehrir:Amangül hébibulla     Menbesi:Junggo uyghurche radiyo tori     Yollan'ghan waqit: 2015-08-05

 

yéqinqi künlerde, yehudi esebiyler israiliye we pelestin rayonida toxtimay hujum qozghap, ammining ghezipini keltürdi. Israiliye dölet bixeterliki bash idarisi 3-awghust israiliyediki nami purketken yehudi esebiy unsur étingérni qolgha aldi.

tehlilchilerning hésablishiche, yehudi esebiy unsurlarning herikiti israiliyening dölet bixeterliki we israiliye-pelestin weziyitige éghir tehdit séliwatqan peytte, israiliye hökümiti yehudi esebiy küchlerge zer bérishni axiri qarar qilghan. Biraq zerbening ünüm béridighan yaki bermeydighanliqini küzitishke toghra kélidu.

10 nechche yil dawamlashqan israiliye-pelestin toqunushida, nurghun kishiler "esebiy unsurlar pelestindin chiqidu" hésablaydu. Biraq emeliyette, israiliyede yehudi esebiy teshkilatlar yéngiliq hésablanmaydu.

israiliye döliti qurulghandin kéyin, sésiq nami purketken ong qanat esebiy teshkilat ölüp ketken ong qanat esebiy unsur qaghan qurghan yehudilarni qoghdash ittipaqi hésablinidu. Bu teshkilat térrorluq wastiliri arqiliq ereblerni qoghlap chiqirishni teshebbus qilghachqa, israiliye we asasliq gherb elliri bu teshkilatni térrorluq teshkilati dep qarighan. Qaghanning bir egeshgüchisi israiliyening sabiq zunglisi rabinni qestlep öltürgen, uning zorawan qilmishi israiliye bilen pelestinning tinchliq musapisini özgertken.

israiliye yehudi esebiy unsular bilen téxi toluq hésab-kitab qilmidi. Bu qétim qolgha élinghan étingér qaghanning newrisi. Israiliye dölet bixeterliki bash idarisining hésablishiche, nurghun hujumlar étingér bashlamchiliqidiki yehudi esebiy olturaqlashquchilar teshkilati bilen munasiwetlik iken.

yehudi olturaqlashquchilar israiliyediki eng esebiy we zorawan top hésablinidu. Bir qisim esebiy olturaqlashquchilar daim meschit, chérkaw we pelestinliklerning zeytun béghigha ot qoyup, öch alidu, biraq deslepte ularning hujumi peqet mal-mülükke ziyan sélish bilen cheklengen, téxi qebihliship adem öltürüsh basquchigha barmighan idi. Yéqinqi bir nechche yilda, ular téximu zorawanliship ketti, hujum dairisimu kéngeydi. Bu yil 6-ayda, israiliyening shimalidiki katolik chérkawining tamliri boyaldi, chérkawgha ot qoyuldi, bu weqeni sadir qilghuchi del yehudi olturaqlashquchilar arisidiki ong qanat yashliri idi.

31-iyul tang seherde, yehudi esebiy olturaqlashquchilar pelestindiki duma kentige ot qoyiwetti, pelestinlik bir bowaq otta köyüp qaza qildi, bowaqning ata-anisi we akisining hayati hazirghiche xewp ichide. 30-iyul, bir esebiy yehudi murti érusalimdiki hem jinislar namayishida, uda 6 ademge pichqa tiqti, bir qiz balining yarisi éghir bolghachqa, dawalash ünüm bermey qaza qildi. Uda yüz bergen hujum seweblik nechche ming israiliye ammisi israiliyening nurghun sheherliride yighilish qilip, yehudi esbiylerning zorawan qilmishlirigha qarshiliq bildürdi.

israiliye zungtungi we nurghun kabinét ministirlirimu bes beste zungli nitaniyaxuning yehudiy esebilerning xewpige toghra qarap, pelestindiki esebiy unsurlargha taqabil turghangha oxshash waste bilen yehudiy esebilerge zerbe bérishini murajiet qildi. 2-awghust israiliye kabinéti memuriy tutup turushni öz ichige alghan barliq wasitilerni qollinip, yehudiy esbiylerge qattiq zerbe bérishke qoshuldi.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene