Bash bet>>Xewer Merkizi>>Dunyagha nezer
Iran gilemchilik kespini janlandurushni arzu qilmaqta
Tehrir:Ilham mamut     Menbesi:Junggo uyghurche radiyo tori     Yollan'ghan waqit: 2015-09-01

 

junggo uyghurche radiyo tori 1- séntebr béyjing xewiri:

29 -awghust , téhranda ayaghlashqan qolda toqulghan gilem körgezmisi- iranning gilemchilik kespidiki her yili ötküzülidighan eng chong körgezme, tashqi sahe buninggha alahide ehmiyet béridu. Muxbir ziyaret jeryanida, körgezme zalidiki sayahetchi we xéridarlarning ilgirikidin köp azliqini, ilgiriki awat menzirining yoqliqini hés qildi.

yipek gilem we qoy yungi gilimi satidighan bir dukandiki mashaba qapiqi türülgen halda: bu bir nechche yilda ehwal barghanséri yamanlashti, gilemlerning sétilishi 6,7 yilning aldidikining yérimige chüshüp qaldi dédi. Éhtiyaj töwenlep kétishining tesiride, gilem bahasimu töwenlidi. Mashaba pars uslubidiki kengliki 1.3 métir, uzunluqi 2 métir kélidighan bir parche gilemni körsitip turup, ilgiri bu gilemni az dégende 7 ming amérika dollirigha satqili bolatti, hazir aran 6 ming 500 amérika dollirigha satalisaq obdan satqan bolimiz dédi.

mashabaning tijaret ehwali iran gilemchilikining kasatchiliqi bilen zich munasiwetlik. 2012 -yili iran gilemchilik kespining éksporti 560 milyon amérika dolliri bolghan bolsa 2014 -yili aziyip 330 milyon amérika dollirigha chüshüp qaldi, pütkül kesiptiki xadimlarning sani 10 yil aldidiki 2 milyondin,hazir bir milyongha chüshüp qaldi, hem dawamliq azaymaqta. Emgek bésimi éghir, maash töwen bolghachqa yashlar bara bara bu kesiptin yiraqlashmaqta, ailide bikar olturidighan ottura yashliq ayallar kesiptiki asasiy qoshungha aylandi, kesipni heqiqiy bilidighan layiheligüchiler intayin kemchil bolmaqta. Parslarning pexri bolghan bu kozir kesip hazir kishini ensiritidighan warissiz qélishtek kirizisqa yoluqmaqta .

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene