Bash bet>>Xewer Merkizi>>Dunyagha nezer
Amérika ittipaqdashliridin rusiyege bolghan hawa tewelikini taqishini telep qildi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2015-09-10

 

qedirlik dostlar, gérmaniye télégraf siyasiy tori 9-séntebir suriye amérika-rusiye toqunush mezgilige kirdi, amérika rusiyening suriyege herbiy arilishishi herbiy qarshilishish xetirini peyda qilishi mumkin dep yene bir qétim agahlandurdi dédi. Amérika aqsariyi, dölet ishliri mehkimisi we besh burjeklik bina 8-séntebir rusiyening suriyege herbiy arilishishi heqqidiki xewerlerge qattiq ipade bildürdi. Firansiye agéntliqining xewirige qarighanda, aqsaraydiki muxbirlar yighinida, aqsarayning bayanatchisi onist amérika rusiyening suriyege herbiy we herbiy ayropilan orunlashturush mumkinchilikige alaqidar xewerlerdin endishe qilidu dégen. U uzundin buyan, biz meyli ashkara yaki yoshurun bolsun, rusiyening alaqidar herikiti suriye weziyitini yenimu yamanlashturuwétidu, bu heriketler téximu köp ademning jénigha zamin bolup, musapirlar dolqunini yenimu köpeytiwétidu, hetta suriyede urush qiliwatqan islam döliti teshkilatigha qarshi amérika armiyesi we ittipaqdashliri bilen herbiy qarshilishish xetirini peyda qilidu dédi. Firansiye agéntliqi islam dölitige zerbe bergen bir yildin artuq waqit ichide, amérika rehberlikidiki birleshme armiye 50 ming qétim ayropilan chiqirip hawadin hujum qildi, lékin islam dölitining kéngiyishini ünümlük tosup qalalmidi dédi.

amérika aghzaki agahlandurushtin sirt, yene rusiyning suriyediki herikitini tedbir qollinip tosti. Réytir agéntliqining xewirige qarighanda, 8-séntebir shimaliy atlantik ehdi teshkilatining ezasi bulghariye rusiye ayropilanlirining bulghariye hawa tewelikidin uchup ötüsh iltimasini ret qilghanliqini ispatlap, 1-séntebirdin 24-séntebirgiche rusiyening suriyege béridighan insanperwerlik yardimi eshyaliri bésilghan ayropilanlarning bulghariye hawa tewelikidin ötüshini chekleshni qarar qilghan. Girétsiyemu oxshash tedbir qollanghan. Girétsiye diplomatiye ministirliqi ashkara halda washington bizdin mushundaq qilishni telep qildi dégen. Rusiye girétsiye we bulghariyedin buninggha izahat bérishni telep qilghan. Rusiyening muawin diplomatiye ministiri bogdanow 8-séntebir xelqara télégraf agéntliqi arqiliq söz qilip, eger bizning shériklirimiz girétsiye bilen bulghariyening bu ishta her qandaq gumani bolsa, ular bu gumanning zadi néme ikenlikini chüshendürüshi kérek. Lékin bu ish amérikining telipi arqisida, rusiyege qaritilghan cheklesh yaki tosush tedbiri bolsa, undaqta bu-ularning musteqil qarar chiqiridighan igilik hoquqigha ige yaki emeslikide yenila mesile barliqini körsitip béridu dédi. U yene izahat bérip, rusiyening suriyege toshughini insanperwerlik yardimi eshyaliri dédi.

rusiye étiraz bildürgendin kéyin, bulghariyening diplomatiye ministiri mitow 9-séntebir eger rusiye suriyege toshuydighan eshyalarni bulghariye ayrodurumida tekshürüshke qoshulsa, undaqta biz rusiye tiransport ayropilanlirining dölitimiz hawa tewelikidin ötüshige ruxset qilimiz dédi. Rusiye zungtungi axbarat idarisining katipi piskow 9-séntebir rusiye zapas liniye arqiliq insanperwerlik yardimi eshyalirini toshusa bolidu dédi. Rusiye tasis agéntliqi 9-séntebir rusiyening irandiki bash elchixanisi emeldarining sözini neqil keltürüp, iran rusiyening suriyege toshuydighan insanperwerlik yardimi eshyalirini özining hawa tewelikidin élip méngshqa qoshuldi dédi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene