Bash bet>>Xewer Merkizi>>Dunyagha nezer
Yawropa arzusini emelge ashurush tes-bir sudanliqning yawropada sergerdan bolush hékayisi
Tehrir:Iminjan ismayil     Menbesi:Junggo uyghurche radiyo tori     Yollan'ghan waqit: 2015-09-15

 

"méning yawropa arzuyum engliyede, u yer arzuyumdiki yawropa, shu yerge barghandila, andin yaxshi künge érisheleymen" sultani muhemmed külümsirep turup muxbirgha shundaq dédi, u goya nechche aydin béri sersan- sergerdanliqta yürgen japa-musheqqetlik künlirining hemmisini untup ketkendek qilatti.

bu yil 8-ayda, muxbir firansiyening kalaydiki orman musapirlar we qanunsiz köchmenler topliship olturaqlashqan jayda sudanning darfor rayonidin kelgen bu yash bilen tonushup qalghan idi.

orman musapirlar lagiri bilen kalay piréstani nahayiti yéqin, hetta addiy kepide olturup N216 tashyoldiki chong yük aptomobilini körgili bolidu, bu yük aptomobilliri yéqinqi bir nechche aydin buyan musapirlar we qanunsiz köchmenlerning chégridin oghriliqche ötüp engliyege bérishidiki eng yaxshi qoral bolup qaldi.

firansiye hökümiti bir qanche tarqaq qanunsiz köchmenler topliship olturaqlashqan jayni arqa-arqidin emeldin qaldurghandin kéyin, "orman musapirlar rayoni", hazir firansiyediki musapirlar we qanunsiz köchmenler eng köp topliship olturaqlashqan jay bolup qaldi.

sudan, éritriye , afghanistan , pakistan we suriye qatarliq döletlerdin kelgen nechche ming adem kalaydiki "orman musapirlar rayonigha" toplashti. Ularning ichidiki köp sandiki kishiler engliyeni öz hayatining axirqi békiti qildi.

bu yil kirgendin boyan, az digendimu 9 adem chégridin oghriliqche ötüsh jeryanida qaza qildi. Musapirlar we qanunsiz köchmenlerning aptomobillargha chiqiwélishi yaki yuqiri süretlik tashyol,tonéllargha kirishiwélishining aldini élish üchün, firansiye dairiliri N216 tashyolning ikki teripige aq renglik égiz réshatka yasidi.

"qandaq bolushidin qetiy nezer men yenila bu yerdin ayrilimen, her qandaq bedel töleshtin ayanmaymen. Bu yerdiki turmushning izzet-hörmiti yoq, eng axirida firansiye manga musapir salahiyiti bergen teqdirdimu yene néme bolmaqchi ? Méning dostum on yilliq turup qélish hoquqigha érishti, u bu yerde yashawatidu, men undaq qilmaymen. " sultani köz aldidiki ashu tashyol boyidiki égiz rishatkigha qarap turup, shundaq dédi, közliridin ümid otliri chaqnap turatti.

sultanining yurti darforda. Yéqinqi 10 nechche yilda, u yerde urush malimanchiliqi üzülmidi. U mundaq dédi: " yurtumda toqunush ezeldin toxtap baqmidi, her xil qoralliq küchler we xelq eskerliri teshkilatliri toxtimay urush qilidu, kishiler normal turmush kechürüshke amalsiz qaldi, qebililer otturisida téxi kemsitish mewjut, men u yerde yaxshashqa heqiqeten amalsiz qaldim.

" men sehrayi kebir chöllikini toghrisigha késip ötüp liwiyege keldim. Men ilgiri u yerni yawropa dep xiyal qilattim, tapqan pulumni öyge ewetip bérishni oylayttim. Biraq, u yerde irqiy kemsitish bek éghir iken, men qullar oxshash xizmet qilghan bolsammu, maash alalmidim, "yoqal zenggi, sen pul alalmaysen" dégen geplerni eng köp anglidim.

sultani liwiyede tapqan pulini edem etkeschilirige bérip ottura yer déngizidin yawropa ellirige béridighan paraxotqa chiqti.

muxbir uning paraxottiki küchürmishlirini sorighanda,u sözlep bérishni xalimidi. Paraxot bir dozax, xiyalimgha keltürüshni xalimaymen, dédi.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene