Bash bet>>Xewer Merkizi>>Dunyagha nezer
Herem meschitidiki kiran örülüsh weqeside junggoluq hej qilghuchilardin ölüp yétim bolmidi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2015-09-15

 

seudiy erebistanidiki muqeddes sheher mekkidiki herem meschitide 11-séntebir munarsiman kiran örülüp kétip, 107 adem qaza qildi, 238 adem yarilandi.

shu jay waqti 11-séntebir chüshtin kéyin saet beshtin on minut ötkenlerde, muqeddes sheher mekkide qattiq boran chiqip, güldürmamiliq yamghur yaghdi. Shu chaghda, mekkidiki herem meschitide dunyaning her qaysi jayliridin kelgen nurghun musulman bar bolup, herem meschitining merkizidiki keibini ayliniwatqan idi. Junggoning gensu ölkisi lenju shehiri shingüen meschitidin kelgen majün axunmu keibini ayliniwatqanlarning arisida idi, u bu qétim gensu hej ömikining yétekchi mudderisi bolup kelgen idi.
téxiche yüriki ornigha chüshmigen majün muxbirgha: "saet beshtin on minut ötkenlerde, tuyuqsiz küchlük awaz anglandi, arqidin manga 200 métirche kélidighan jayda ghayet zor topa-changning kötürülgenlikini kördüm, arqidin her tereptin échinishliq awazlar anglinishqa bashlidi" dédi.

chang-tozan bésiqqandin kéyin, majün andin ottura sherq rayonidiki eng égiz munarsiman kiranning örülüp chüshkenlikini kördi. Bu chaghda, majün bash-közi qangha boyalghan, bedini yarilanghan nurghun kishilerning meschittin sirtqa qarap qéchiwatqanliqini kördi.

majün "birdemdin kéyin, qutquzush mashiniliri yaridarlarni yötkeshke bashlidi, seudi erebistan saqchiliri herem meschitini qamal qilip, chiqishqa ruxset qilip, kirishke yol qoymidi" dédi.

weqe yüz bergenlik xewiri herem meschitidin anche yiraq bolmighan jaygha orunlashqan junggo hej xizmiti bash ömikige birdemdila yétip keldi. Shu chaghda, herem meschiti qamal qilinghan bolghachqa, junggoluq hej qilghuchilarning bixeterlik ehwalini uqush üchün, junggo hej ömiki her qaysi shöbe ömeklerning adem sanini sanashqa bashlidi.

élimizning her qaysi ölke, aptonom rayonluq shöbe hej ömeklirining adem sanini sanash we éniqlash arqiliq, junggo islam jemiyitining muawin bashliqi, junggo hej xizmiti bash ömikining bashliqi adil haji kérim 12-séntebir shinxua agéntliqi muxbirigha munarsiman kiran örülüp chüshüsh weqeside junggoluq hej qilghuchilardin ölüm-yétim bolmighanliqi, hemmisining aman-ésen ikenlikini jezmleshtürdi.

adil haji kérim "bu yil élimizning shinjang, ningshya, yünnen, gensu qatarliq jayliridin hej qilmaqchi bolghan 14 ming 500 musulmanning hemmisi mekkige yétip kélip, hej paaliyitining resmiy bashlinishini kütüwatidu" dédi.

hej paaliyiti bashlanghuche, her qaysi döletlerdin kelgen musulmanlar her küni ixtiyariy halda herem meschitige bérip ibadet qilidu we keibini aylinidu. Weqe yüz bergende junggoluq qanche musulmanning neq meydanda ikenlikini bilelmeslik-junggo hej ömiki we junggoning jiddediki bash konsulxanisini bek endishige saldi.

majün "neq meydanda, men yene junggoluq bashqa hej qilghuchilarnimu kördüm, ularning nurghuni yashanghanlar idi, men derhal ularni neq meydandin ayrilishqa yéteklidim" dédi.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene