Bash bet>>Xewer Merkizi>>Dunyagha nezer
Yaponiye bixeterlik kapaliti qanuni layihesini urup-soqup maqullidi
Tehrir:Esqer tursun     Menbesi:Junggo uyghurche radiyo tori     Yollan'ghan waqit: 2015-09-18

 

hakimiyet sirtidiki partiyelerning küchlük qarshiliqi ichide, yaponiye awam palatasi tinchliq bixeterlik qanunchiliq alahide komitéti 17-sintebir mejburiy awaz bérip, kolliktip qoghdinish hoquqini yürgüzüshke alaqidar bixeterlik kapaliti qanuni layihesini maqullidi. Yaponiyediki hakimiyet yürgüziwatqan partiye kechte awam palatasi omumiy yighini échip, bixeterlik kapaliti qanuni layihesini qayta maqullidi.

esli 16-sintebir kechte échilmaqchi bolghan awam palatasi tinchliq bixeterlik qanunchiliq alahide komitéti yighini hakimiyet sirtidiki partiyeler küchlük qarshi turghanliqtin 17-sintebirge kéchiktürüldi. 17-sintebir chüshtin burun, alahide komitét bashliqi yighin échilghanliqini jakarlighandin kéyin, hakimiyet sirtidiki partiyeler komitét bashliqigha ishenmeslik layihesi sundi, emma bu layihe arqidinla inkar qilindi.

alahide komitét bashliqi öz ornigha qaytip kelgendin kéyin, alahide komitét axirqi soal qoyush halqisidin atlap ötüp bixeterlik kapaliti qanuni layihesige biwasite awaz berdi. Awaz bérish nahayiti qalaymiqanchiliq ichide ayaqlashti, yaponiyediki hakimiyet yürgüzüsh ittipaqi köp sanliq orungha tayinip bixeterlik kapalitige alaqidar qanun layihesini mejburiy maqullidi.

hakimiyet sirtidiki partiyeler: bash wezir abi shinizoning jawabkarliqini sürüshtürüsh qarar layihesi, kabéntqa ishenmeslik layihesi sunush qatarliq wasitilar arqiliq qarshiliq bildürimiz, dédi.

alahide komitét qanun layihesini mejburiy maqullighandin kéyin, yaponiyediki hakimiyet yürgüziwatqan partiye awam palatasi omumiy yighini échip, bixeterlik kapaliti qanuni layihesige qayta awaz berdi. Hakimiyet yürgüziwatqan partiye awam palatasida yérimdin köprek orungha ige bolghachqa, bu qarar layihesi omumiy yighinda awaz bérilgendin kéyin resmiy küchke ige boldi.

parlamént sirtida nurghun yaponiye ammisi yamghurgha qarimastin bixeterlik kapaliti qanuni layihesige qarshi zor kölemlik qarshiliq namayishi ötküzdi, qarshiliq herikiti 16-sintebir kechte bashlinip, 17-sintebirmu dawamliship, qanun layihesini bikar qilish telep qilindi. Yaponiye taratqulirining eng yéngi elrayini tekshürüsh netijiside körsitilishiche, 70%ke yéqin amma bu nöwetlik parlaméntta bixeterlik kapalitige alaqidar qanun layihesi maqullashqa qarshi turghan.

yaponiye awam palatasining bixeterlik kapaliti qanuni layihesini maqullighanliqigha herqaysi sahedikiler küchlük inkas qayturdi.

öktichi partiyeler awaz bérishke qarshi turdi. 16-sintebir yaponiye awam palatasi bixeterlik kapaliti qanuni layihesige awaz bergende, démokratlar partiyesi, yéngiliqqa köchüsh partiyesi, yaponiye kompartiyesi qatarliq asasliq öktichi partiyeler yighin meydanidin chiqip kétip, awaz bérishke qarshi turdi. 14-sintebir, hakimiyet sirtidiki partiyelerning parlaménttiki birqanche ezasi bixeterlik kapaliti qanuni layihesige qarshi chong kölemlik étiraz bildürüsh paaliyiti ötküzgen idi.

ammining qarshiliqi toxtimidi. Parlamént qarap chiqishqa bashlighandin kéyin, amma herküni parlamént etrapida étiraz bildürdi, her heptide on ming kishiliktin artuq étiraz bildürüsh paaliyiti ötküzüldi. 8-ayning axirida, yaponiyediki elichi teshkilatlar hetta bir mezgil memliket boyiche milyon kishilik étiraz bildürüsh paaliyiti teshkillidi.

asasiy qanun alimliri küchlük qarshi turdi. 6-ayda, yaponiyede 230 nechche asasiy qanun alimi bayanat élan qilip, bixeterlik kapaliti qanuni layihesini tüzüsh resmiyiti asasiy qanunchiliq we asasiy hoquq xelqte bolush idiyesige xilab, parlamént démokratik tüzümigimu xilab dep qarap, alaqidar qanun layihesini tézdin bikar qilishni telep qildi. 7-ayda, 200 nechche asasiy qanun alimi yene bayanat élan qilip, küchlük qarshi turdi.

sabiq siyasiyonlar ashkare tenqid qildi. Xosokawa morixiro, xata sutomu, tomichi murayama, yukio xatoyama, naotokandin ibaret yaponiyening besh sabiq bash weziri abi shinizoning xelqni közge ilmighanliqi, yaponiye asasiy qanunchiliqigha buzghunchiliq qilghanliqini ashkare tenqid qilip, bixeterlik kapaliti qanuni layihesini tézdin bikar qilishni telep qildi.

medeniyet sahesidikiler qetiy qarshi turdi. Yaponiyediki on mingdin artuq alim we tetqiqat xadimi imza qoyghan yaponiye "bixeterlik kapaliti qanuni layihesige qarshi alimlar jemiyiti" 7-ayda bayanat élan qilip, parlamént awam palatasining bixeterlik kapaliti qanuni layihesini mejburiy maqullighanliqi xelqning hoquqini depsende qilghanliq, asasiy qanun démokratiyesige buzghunchiliq qilghan, dédi. Yaponiyediki dangliq karton ustisi miyazaki xayaomu köp qétim ashkare qarshi turdi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene