Bash bet>>Xewer Merkizi>>Dunyagha nezer
Shi jinping amérikida dölet ishliri ziyaritide bolghanda siyatilni tunji béket qilip tallidi
Tehrir:Güzelnur rozi     Menbesi:Junggo uyghurche radiyo tori     Yollan'ghan waqit: 2015-09-23

 

junggoning dölet reisi shi jinping amérikida dölet ishliri ziyaritide bolghanda siyatilni tunji béket qilip tallidi. Ziyaret mezgilide reis shi jinping séatl etrapidiki takuma shehiridiki linkoln toluq ottura mektipide ziyarette bolidu. Bu shu jaydiki bir adettiki toluq ottura mektep, 1914-yili qurulghan, 100 yilliq tarixqa ige, hazir mektepte 1500dek oqughuchi bar. Linkolin toluq ottura mektipidiki oqughuchilar oxshimighan arqa körünüshtiki aililerdin kelgen, tipik köp ériqliq, köp milletlik mektep.

shi jinpingning ziyaretke kélishini qarshi élish üchün, bu mektep nurghun teyyarliqlarni qildi, ular reis shi jinpingni heyran qaldurmaqchi. Muxbir yéqinda bu mektepni ziyaret qilip, nurghun "mexpiyetliklerni" bayqidi.

bu mektepte junggoluqlar oqughuchilar köp emes, reis shi jinpinggha kütülmigen xoshalliq bérish üchün, mektep xenzu tili oqutquchisi we xenzuche xor etriti ezalirini mexsus teklip qildi. Xenzu tili oqutquchisi awwal naxsha tékistini linkoln toluq ottura mektipining muzika oqutquchisi ézinxawérgha ügetti, ézinxawér andin oqughuchilargha ügetti.

oqughuchilar deslepte kémning ziyaretke kélidighanliqini bilmeytti, biraq ular nahayiti estayidil teyyarliq qildi. Her küni chüshtin burun saet sekkiz yérim we chüsh saet 12de ikki qétim repitis qildi, üch künde oqughuchilar pütün naxshini éytalaydighan boldi.

muxbir sinipqa kirgende, tunush milodiyeni anglidi. Ripitis meydanida oqughuchilarning muzika oqutquchisining chüshendürüshlirini estayidil anglawatqanliqini kördi, ular meshiq qilghanda shundaq rohluq, kespiy sewiyege igidek turatti.

28 yilliq oqutush tarixigha ige ézinxawér muellimning tejribisi mol idi, u emdi bu naxshini bashlighanda, oqughuchilardin hemme mélodiyeni iside saqliwélishni telep qilmidi, belki oqughuchilargha bu naxshining menisini chüshendürdi.

ézinxawér muxbirgha mundaq dédi: " eger reis shi jinping bilen körüshüsh pursiti bolsa, men uninggha, junggo rehberliri bilen yéqin arliqtabiwasite uchrishish– méning hayatimdiki eng qimmetlik kechürmish bolidu, deymen, dédi. Linkolin toluq ottura mektepte oquwatqan oqughuchilar muxbirning ziyaritini qobul qilghanda, nurghunliri munularni bildürüshti: reis shi jinpingning "bir chong dölet rehbiri, uning xanimi péng liyüenning xelq yaxshi köridighan naxshichi ikenligini bilimiz".

linkoln toluq ottura mektipining mudiri patrik owén muxbirni bashlap mektepni ékiskursiye qildurdi. Mudirning ishxanisigha kirsingiz, junggo uslubini hés qilisiz. Owén muxbirgha özi yighip saqlighan junggoche alahidilikke ige buyumlarni körsetti. Buning ichide béyjing changchilisi niqabi we qeghez qiyma qatarliqlar bar idi, uning shiresige bir qanche xungshuangshi markiliq tik-tak top paliqi qoyulghanidi.

owén mundaq dédi: " reis shi jinpingning ziyaretke kélishi kishini intayin xushal qilidu. U bir intayin aqil, jesur we keskin rehber. Reis shi jinping ezeldin adimiyet almashturushigha köngül bölüp keldi. Biz fuju pédagogika uniwérsitéti shöbe ottura mektipi bilen hemkarliq munasiwiti ornatqan, junggoluq oqughuchilarning mektipimizge kélip almashturush élip bérishini, öginishini qizghin qarshi alimiz.

owén axirda muxbirgha: biz reis shi jinpinggha bir sowghat bermekchi, dédi. Bu sirliq sowghat zadi néme, buni kütüshke toghra kélidu.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene