Bash bet>>Xewer Merkizi>>Dunyagha nezer
Birleshken döletler teshkilatining yürüshlük bashliqlar yighini échilish aldida turmaqta
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2015-09-23

 

qurulghili 70 yil bolghan birleshken döletler teshkilatining yürüshlük bashliqlar yighini échilish aldida turmaqta. 25-sintebirdin 27-sintebirgiche, herqaysi dölet rehberliri birleshken döletler teshkilati tereqqiyat bashliqlar yighinida 2015-yilidin kéyinki imkaniyetlik sijil tereqqiyat qaralmisini maqullap, kelgüsi 15 yildiki xelqara tereqqiyat hemkarliqigha yönilish körsitip béridu; 28-sintebirdin bashlap bir hepte birleshken döletler teshkilati yighinining adettiki munazirisi ötküzilidu, birleshken döletler teshkilatigha eza döletler wekilliri nöwettiki xelqara jemiyet duchkelgen zor mesililer toghrisida meydanini sherhiyleydu.

tehlilchi erbaplar mundaq dep qaridi: birleshken döletler teshkilati qurulghanliqining 70 yilliqi peytide "birleshken döletler teshkilati xartiyesi"ning bash meqsiti we pirinsipigha bolghan wedini qayta tekitlesh, yéngi tereqqiyat qaralmisini maqullash hemde uni qandaq emeliyleshtürüshni muzakire qilish yürüshlük bashliqlar yighinining muhim nuqtisigha aylinidu, rayon toqunishi, kilimat özgirishi we musapirlar kirizisi qatarliq qaralmilar bashliqlar yighinidiki qiziq témilar bolushi mumkin.

birleshken döletler teshkilati 2-dunya urushi tumanliri arisida barliqqa kelgen bolup, insaniyetning menggü urush qilmasliq arzsi yüklengen. Birleshken döletler teshkilati qurulghanliqining 70 yilliqini xatirilesh "birleshken döletler teshkilati xartiyesi"ning bash meqsiti we pirinsipigha bolghan wedini qayta tekitlesh, dunya fashizmgha qarshi urushi ghelibisining netijilirini qoghdash, ikkinchi dunya urushi tarixini inkar qilish, burmilash, özgertish qilmishlirigha qetiy qarshi turush, "birleshken döletler teshkilati xartiyesi"ning bash meqsiti we pirinsipi asasidiki hazirqi zaman xelqara tertip we xelqara sistémini qoghdash.

birleshken döletler teshkilati yighinining adettiki munazirisi mezgilide, birleshken döletler teshkilati qurulghanliqining 70 yilliqi tinchliq we bixeterlik asasiy témisidiki munazire ötküzilidu. Bundin bashqa eza döletler bashliqliri we wekillirimu adettiki munazire we bashqa sorunlarda mushu asasiy témini chöridep köz qarashlirini sherhiyleydu.

herqaysi dölet rehberliri 25-sintebirdin 27-sintebirgiche ötküzilidighan tereqqiyat bashliqlar yighinida 2015-yilidin kéyinki imkaniyetlik sijil tereqqiyat qaralmisini resmiy maqullaydu. Qaralma 17 imkaniyetlik sijil tereqqiyat nishani we alaqidar 169 konkirét nishanni qaplaydu, bu namratliq we acharchiliqni tügitish, saghlamliq, maarip, jinis barawerliki, su we muhit taziliqi, énérgiye, kilimat özgirishi qatarliqlarni öz ichige alidu.

ikki yildin köprek sözlishish arqiliq, birleshken döletler teshkilatigha eza 193 dölet bu yil 8-ayda 2015-yilidin kéyinki imkaniyetlik sijil tereqqiyat qaralmisi toghrisida birlikke keldi. 1-sintebir birleshken döletler teshkilati yighinida qarar maqullinip, bu qaralmini birleshken döletler teshkilati imkaniyetlik sijil tereqqiyat bashliqlar yighinida qarap chiqip maqullashqa sunush qarar qilindi.

junggoning muawin diplomatiye ministiri li bawdung yéqinda mundaq dédi: junggo birleshken döletler teshkilati tereqqiyat bashliqlar yighinida 2015-yilidin kéyinki tereqqiyat qaralmisining ongushluq maqullinip, kelgüsi 15 yilda herqaysi döletler tereqqiyati we xelqara tereqqiyat hemkarliqigha yönilish körsitip bérishini kütmekte.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene