Bash bet>>Xewer Merkizi>>Shinjanggha nezer
"chümbilingni qayriwet" namliq pirogramma guruppisi toqsugha keldi
Tehrir:Arapat hüsenjan     Menbesi:Junggo uyghurche radiyo tori     Yollan'ghan waqit: 2014-09-26

 

ixtiyariy muxbirimiz muhemmed turap xewiri, fotosi: yéqinda, shinjang téléwiziye istansisining "chümbilingni qayriwet" namliq chong tiptiki edebiyat-senet pirogrammisini süretke élish guruppisidikiler toqsu nahiyesige kélip, toqsu nahiyesining yéqinqi yillardin buyanqi tereqqiyat ehwali, her millet xelqi orunlighan serxil edebiyat-senet nomurlirini süretke aldi. Toqsu nahiyeside süretke élinghan bu pirogramma pat yéqinda shinjang téléwiziye istansisida körsitilidu.

igilishimche, süretke élish guruppisidikeler bu qétim toqsu nahiyeside amma arisigha we asasiy qatlamgha chongqur chöküp, edebiyat-senet nomurliri, alahide sayahet, téléwiziye qisqa filimi we munewwer shexsler bilen söhbet qatarliq ipadilesh shekilliri arqiliq toqsu nahiyeside yéqinqi yillardin buyan barliqqa kelgen yéngi özgirishler, yéngi tereqqiyat, yéngi obrazlarni süretke alghandin kéyin 20-séntebir chüshtin burun shinjangdiki tunji qolda chalghu yasash kenti ـــ jay kentidiki küsen medeniyiti körgezme merkizide quyulghan mexsus meydan edebiyat-senet oyunini süretke aldi. Bu qétim toqsu nahiyesi merkiziy milletler naxsha-ussul ömikining döletlik birinchi derijilik artisi rozi hamut, aptonom rayonimizdiki dangliq yash naxshichi gaw yang, shinjang senet yurti naxsha-ussul ömikining yash naxshichisi jya chingching qatarliq cholpanlarni teklip qilghan bolup, bu mahirlar neq meydanda maharitini körsitipla qalmastin, belki bu nahiyede ösüp chong bolghan yerlik senet cholpanliri maharitini körsetti.

toqsu nahiyeside 30 yil béyjing tiyatirini yuqiri maharet bilen orunlap kéliwatqan péshqedem senetkar imin toqa béyjing tiyatiri "qizil chiragh"din ariyeni, muhemed qéyum béyjing tiyatiri "wéyxushenni pem bilen élish"tin ariye orunlighanda meydanda alqish sadaliri pelekke yetti. Jemetining 7-ewlad nan yéqish warisi yasin musa aylanma uzunluqi 6.28 métir, diyamétiri ikki métir kélidighan 1500 yüen qimmitidiki 70 kilogiram un bilen pishurghan chong nanni sehnige élip chiqqanda tamashibinlar heyranliqidin aghzini échipla qaldi. Merkiziy téléwiziye istansisining "qiziq noqta heqqide söhbet" pirogrammisida xewer qilinghan péshqedem qizil yighip saqlighuchi éziz idris we memliket derijilik gheyriy maddiy medeniyet miraslirining warisi héyt imin sehnige chiqip amma bilen yüz kürüshti. Bu shinjang téléwiziye istansisining "chümbilingni qayriwet" namliq pirogrammisi arqiliq toqsu nahiyesining büyük dunya jinnés rékortigha kirgüzülgen ‹‹xen, tang dewridiki boz yer özleshtürüsh xarabisi››, "junggodiki el ichi medeniyet-senet yurti bolghan tashériq yézisi" we "junggo shinjangdiki qolda milli chalghu yasashtiki tunji kent ـــ jay kenti" qatarliqlar arqiliq toqsu nahiyesining uzaq tarixi, qoyuq milliy örp-aditi we her millet xelqining inaq turmushining janliq kartinisi we özgiche alahidilikke ige medeniyet-sayahet bayliqi pütün memliket xelqige namayen qilinidu.

"chümbilingni qayriwet" namliq pirogramma shinjang téléwiziye istansisi yéngidin yolgha qoyghan chong tiptiki uniwérsal senet pirogrammisi bolup, bu pirogrammida puqralar sehnisi arqiliq puqralarning bextlik turmushi ekis ettürülüp, uni téléwiziye ékrani arqiliq téléwizor körgüchilerge yetküzüp, yerliktiki sheher-yézilardiki özgirishlerni teshwiq qilip, shinjangning inaq tereqqiyatining tashqi obrazini tikleydu.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene