Bash bet>>Xewer Merkizi>>Shinjanggha nezer
Memliketlik ayallar birleshmisi shinjangning ammiwi parawanliq türini qollidi
Tehrir:Arapat hüsenjan     Menbesi:Junggo uyghurche radiyo tori     Yollan'ghan waqit: 2014-09-26

 

memliketlik ayallar birleshmisi junggo balilar, ösmürler fondi jemiyitining shinjangning ammiwi parawanliq türige iane qilish murasimi 24 – séntebir chüshtin kéyin ürümchide ötküzüldi, murasimda hawa armiyesi, qoralliq saqchi qisim, "xéngda" guruhi qatarliq üch orunning her biri junggo balilar, ösmürler fondi jemiyitige 10 milyon yüendin iane qildi. Bu pul shinjangning "bahar ghunchiliri pilani"gha we "balilar shadliqi baghchisi" qurushqa ishlitilidiken. J k p merkiziy komitéti siyasiy biyurosining ezasi, aptonom rayonluq partkomning shujisi jang chünshyen, memliketlik ayallar birleshmisi partguruppisining shujisi, muawin reisi, shujichusining birinchi shujisi, junggo balilar, ösmürler fondi jemiyitining mudiriyet bashliqi sung shyuyen iane qilish murasimigha qatnashti.

"bahar ghunchiliri pilani" shinjangda yolgha qoyulghan 20 yildin buyan, 31 milyon yüendin artuq pul iane qilinghan bolup, 200 mingdek ösmür qizgha yardem bérilgen.

iane qilish murasimida jang chünshyen mundaq dédi: 30 milyon yüenning bu qétim shinjanggha yardem bérish ammiwi parawanliq türige iane qilinishi memliketlik ayallar birleshmisi, hawa armiyesi, qoralliq saqchi qisimning merkezning 2 – qétimliq shinjang xizmiti söhbet yighinining rohini qetiy emeliyleshtürgenlikini, wetenning kelgüsi ewladlirigha köngül bölgenlikini we karxanichilarning öz mesuliyitini yaxshi ada qilghanliqini chüshendürüp béridu.

jang chünshyen mundaq dédi: bu qétim iane qilinghan "bahar ghunchiliri pilani" we "balilar shadliqi baghchisi" ammiwi parawanliq türidin shinjangdiki her millet baliliri intayin chong nep alidu. Her derijilik ayallar birleshmiliri we türni yolgha qoyidighan orunlar xizmet mesuliyitini heqiqiy emeliyleshtürüp, "bahar ghunchiliri pilani"din téximu köp namrat qiz we qiz istudéntlarni nepke érishtürüshi, "balilar shadliqi baghchisi"ni balilar yaxshi köridighan, bérishni xalaydighan paaliyet bazisigha aylandurushi kérek. Her derijilik partkom, hökümetler ayallar, balilar ishlirining tereqqiyatigha téximu köngül bölüp we ghemxorluq qilip, her millet balilirining saghlam ösüp – yétilishi üchün téximu yaxshi muhit yaritip bérishi, ayallarning güzel shinjang qurushini téximu keng sehne bilen teminlishi kérek. Men memliketlik ayallar birleshmisining shinjangdiki her derijilik ayallar teshkilatlirining shinjangning inaq, muqimliqini ilgiri sürüshtiki alahide rolini jari qildurushini dawamliq qollishini we uninggha yétekchilik qilishini ümid qilimen.

sung shyuyen mundaq dédi: memliketlik ayallar birleshmisi öz ewzellikini jari qildurup, ijtimaiy küchlerni seperwer qilip, ammiwi parawanliq türlirini yaxshi emeliyleshtürüp, partiye we hökümetning ghemxorluqi we jungxua milletliri chong ailisining illiqliqini tengritaghning jenub we shimalidiki her millet ayallar, balilargha yetküzüp, shinjangning muqimliqini saqlash we ebediy eminlikni ishqa ashurush üchün tirishchanliq körsitidu.

hawa armiyesining muawin siyasiy komissari wang shyawlung, qoralliq saqchi qisim siyasiy bölümining muawin mudiri chén gojén, "xéngda" guruhining muawin bash mudiri péng jyenjün aptonom rayonimizgha pul iane qilish murasimida söz qildi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene