Bash bet>>Xewer Merkizi>>Shinjanggha nezer
Yéngi yildiki anilar sowghisi
Tehrir:Méhrigül xudaberdi     Menbesi:Shinjang géziti     Yollan'ghan waqit: 2015-02-28

 

milaqiz bekri, aynur ablimit

junggo ayallar tereqqiyat fondi jemiyiti, aptonom rayonluq ayallar birleshmisi birliship ötküzgen, shinjang ayallar, balilar tereqqiyat fondi jemiyiti tarqitishni üstige alghan, junggo qurulush bankisining shinjang shöbisi iane qilghan 12 "anilar saghlamliqi aptomobili"ni asasiy qatlamgha yetküzüsh murasimi yéqinda ürümchi shehiride ötküzüldi. Bu 12 aptomobil xoten shehiri, bortala shehiri we chira, yeken, qeshqer konasheher, maralbéshi nahiyelirige iane qilindi.

chira nahiyelik ayallar birleshmisining kadiri gülbahar exmet mundaq dédi: biz 2005 – yili tunji qétim nahiyemizge iane qilinghan ‹‹anilar saghlamliqi aptomobili››ni nahiyelik ana – balilar saqliqini saqlash doxturxanisigha, 2013 – yili iane qilinghan aptomobilni nahiyelik doxturxanigha bergeniduq, bu qétim iane qilinghan aptomobilni chira bazarliq shipaxanigha bérishni oylashtuq. Nahiyemizge iane qilinghan bu aptomobillarning nahiyemizdiki ayallarning saqliqini saqlash, shundaqla ayallarning qanuniy hoquq – menpeitini qoghdash we ayallar bilishke tégishlik bilimlerni teshwiq qilishta oynighan roli intayin chong boluwatidu. Adette, ayallar yardemge mohtaj bolghanda téléfon qilsila heqsiz mulazimettin behrilinidu. Uningdin bashqa doxturlar bu aptomobilgha tekshürüsh eswablirini sélip, yézilargha bérip ayallarning salametlikini tekshüridu. Shunga, biz ‹‹anilar saghlamliqi aptomobili››ni iane qilghan alaqidar orunlargha chin dilimizdin rehmet éytimiz.

biz ziyaret jeryanida yeken nahiyelik ayallar birleshmisige iane qilinghan aptomobilning shu nahiyediki eng chet yézigha bérilgenlikini anglap, yeken nahiyelik ayallar birleshmisining reisi reshide memtiminni ziyaret qilduq. U mundaq dédi: bu qétim ‹‹anilar saghlamliqi aptomobili›› nahiyemizge tunji qétim iane qilindi, biz tekshürüp, tetqiq qilish arqiliq bu aptomobilni nahiye merkizige yiraqraq, ayallarning igiligen nisbiti yuqiriraq bolghan döngbagh yéziliq shipaxanigha bérishni oylashtuq. Uningdin bashqa bu yézida namrat aililermu köprek salmaqni igileydu. Biz bu aptomobilning rolidin toluq paydilinip, ayallar we balilar üchün ela mulazimet qilish üchün tirishimiz.

biz murasim axirida aptonom rayonluq ayallar birleshmisining reisi xasiyet élini ziyaret qilghinimizda u mundaq dédi: 2005 – yilidin buyan biz iane qilinghan 168 ‹‹anilar saghlamliqi aptomobili››ni aptonom rayonimizning chet – yiraq nahiyeliridiki ayallar birleshmilirige berduq. Bu qétim iane qilinghan 12 aptomobilning omumiy qimmiti 1 milyon 576 ming 800 yüen bolup, her sahediki ayallarning saghlamliqi üchün mulazimet qilidu. Bu aptomobillar arqiliq asasiy qatlamdiki ayallargha saghlamliq, perzent terbiyesi toghrisida teshwiqat – terbiye élip bérilidu, shundaqla bu aptomobillar yéza – bazarlardiki shipaxanilarning dawalash üskünilirining toluq bolmasliqidek boshluqni toldurushta türtkilik rol oynaydu.


Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene