Bash bet>>Xewer Merkizi>>Junggugha nezer
Bir belbagh, bir yol arzusi (1)
Tehrir:Iminjan ismail     Menbesi:Junggo uyghurche radiyo tori     Yollan'ghan waqit: 2015-04-13

 

ötken yili 18-noyabir rozhdéstwa bayrimiliq sowghilar liq qachilanghan bir yük poyizi jéjyangning yiwudin yolgha chiqti, bu yer sharidiki eng chong talla bazar- junggo yiwu xelqara soda sheherchisidin yolgha chiqqan "yiwu- madért" mexsus poyizi idi. Bu poyiz shinjang arqiliq qazaqistan, rusiye, gérmaniye, firansiye qatarliq 7 dölettin ötüp, 21 kündin kéyin ispaniyening madértqa yétip bardi, pütün yawropani dégüdek kézip, 13 ming 52 kilométir musapini bésip ötti. Hawa yolida toshughandin erzan, su yolida toshughandin téz bolghan mexsus poyiz tiransporti liniye boyidiki sodigerlerning qarshi élishigha érishti.

omumiy jehettin qarighanda, yiwu, shinjang, yawropa tömür yolining échilishi shek shübhisizki bundin bir yil burun otturigha qoyulghan bir belbagh, bir yol pilani arzusigha qarap bésilghan emeliy qedem. 2013-yili 7-dékabir dölet reisi shi jinping qazaqistanning nezerbayéf uniwérsitétida nutuq sözligende "yipek yoli iqtisad belbéghi" qurush teshebbusini tunji qétim otturigha qoyghan idi.

andin kéyin 3-öktebir junggo 21-esir déngiz yipek yolini ortaq berpa qilishni xalash teshebbusini tunji qétim otturigha qoydi. Bir belbagh, bir yol istratégiyelik teshebbusi buning bilen shekillendi. 2 ming yil burunqi yipek yoligha yéngi mezmun we buruch qoshuldi. Qazaqistanning diplomatiye ministiri idrésof mundaq dep qaridi: junggo dunya bilen nechche yüz yil ayrilip qalghan ottura asiya rayonini dunyagha qayta élip kirdi hemde bu arqiliq pütün yawropa asiya iqtisadini janlandurdi.

istratégiyelik tesewwur nahayiti tézla emeliy heriketke aylandi. Reis shi jinping, zungli lé kéchyang qatarliq dölet rehberliri ilgiri kéyin bolup 20 nechche dölette ziyarette bolup, bir belbagh, bir yolning chongqur mezmuni we ijabiy ehmiyitini chongqur chüshendürdi; Qismen döletler junggo bilen bir belbagh, bir yolni ortaq qurush hemkarliq chüshinish esletmisi imzalidi, yiwu, shinjang, yawropani öz ichige alghan bir top sharaiti piship yétilgen nuqtiliq hemkarliq türliri yolgha qoyulushqa bashlidi. Ötken yili bir belbagh, bir yol üchün mexsus mulazimet qilidighan yipek yoli fondi soda sanaet memuriy bashqurush orunlirigha royxetke aldurdi. Hemmining diqqitini jelp qiliwatqan asiya ul eslihelerge meblegh sélish bankisini tunji türkümde qurghuchi eza döletler 2013-yili 24-öktebir béyjingda ehdiname imzalidi, laosning muawin maliye ministiri batiya ehdiname imzalanghandin kéyin mundaq dédi: laosning ul esliheler qurulushigha bolghan meblegh éhtiyaji köp, biz asiya ul eslihelerge meblegh sélish bankisi qurulghandin kéyin, bizni meblegh salidighan rayon qilishini ümid qilimiz. Biz asiya ul eslihelerge meblegh sélish bankisining qurulushini, jümlidin bir belbagh, bir yolning ilgiri sürülüshini kütmektimiz.

28-mart döletlik tereqqiyat islahat komitéti, diplomatiye ministirliqi, soda ministirliqi " yipek yoli iqtisad belbéghi we 21-esir déngiz yipek yolini birlikte berpa qilishni ilgiri sürüsh arzusi we herikiti "ni birlikte élan qilip, bir belbagh, bir yolning tunji pilanini tüzdi. Teshebbustin arzusigha hemde heriketkiche bundin 2 ming yil burunqi waqittin tartip tarqilip kelgen medeniyet, bayliqtin ortaq paydilinip kelgen qedimiy yipek yoli yéngi baharni kütüwaldi. Quruqluqtin déngiz okyanghiche, 60 nechche dölet, 4 milyard 400 milyon nopusni qaplighan bir belbagh, bir yol yögime resmiy paydin-pey échilmaqta.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene